Charter Document - 04210176
| Charter Number: | 04210176 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1228 |
| Date type: | Internal, A.D., Calendar |
| Resource Link(s): |
Monasterium.net |
Charter:
Livpoldus dei gratia dux Austrie et Stirie Vniuersis hanc paginam inspicientibus Inperpetuum Quoniam labilis est memoria hominum expedit ut negotia siue beneficia subditis a dominis suis impensa scripture munimine roborentur Vnde uniuersitatis uestre noticie duximus conmendandum quod nos ciuium nostrorum in Otensheime utilitatibus prouidere uolentes omne ius omnemque simul gratiam qua in mvte et thelonei solutione in terra et in aqua ciues nostri in Anaso et de Lintze gaudere noscuntur predictis ciuibus de Otensheime concessimus et indulsimus ut hoc ipso iure et gratia semper ex hac ipsa nostra debeant concessione gaudere Et ut hec ipsis concessa gratia et ius pariter permaneat illibatum presentem paginam nostri impressione sigilli signatam predictis curauimus exhibere Datum apud Griene xi kalendas Nouembris Anno dominice Incarnationis MCCXXVIII Indictione II