Charter Document - 04210175
| Charter Number: | 04210175 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1228 |
| Date type: | Internal, A.D. |
| Resource Link(s): |
Monasterium.net |
Charter:
In nomine domini pateat cunctis christi fidelibus tam presentibus quam futuris quod nos vlricus dei gratia prepositus aput sanctum Nicolaum patavie et conuentus unanimi consensu predium quod habemus aput chaluviham concessimus quod wlgo lansilderireth [dicitur] domino Hainrico nostro amico tunc prouisori in loco predicto ut inde nobis soluat annuatim in Natiuitate beate Marie tres solidos pataviensis monete tunc datiue ad nostrum oblagium et xxx denarios domino preposito pro steura cuius etiam placitum vel ipse uel per ydoneum nuncium annis singulis uisitabit loco et tempore constituto Promisit etiam bona fide alias se fore nobis et nostre ecclesie fauorabilem et obsequiosum et idem beneficium tam in edificiis quam agriculturis diligenter promouere et conseruare sine omni alienatione vt post tempora uite sue tali melioratione ad nos redeat quod super hoc anime sue salutem debeamus aput dominum deum adoptare vt autem talis contractus tantum ad uite sue tempora ratus permaneat duo paria inde conscribi fecimus et nostro sigillo roborari uno sibi dato altero penes nos reseruato Testes vero huius contractus sunt de capitulo Vlricus prepositus gerboto decanus Ekkardus Chunradus Rikerus Ebinhardus Albertus Geroldus Gregorius Hainricus Hertwicus Waltherus plebanus de alnchovin Siuridus Scolasticus eius Hainricus suews Hainricus officiarius de alnchovin Hainricus miles Waltherus Hainricus slehto Actum aput S Nicolaum patavie ab incarnatione domini MCCXXVIII Indictione prima