Charter Document - 04210173
| Charter Number: | 04210173 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1227 |
| Date type: | Internal, A.D., Feast |
| Resource Link(s): |
Monasterium.net |
Charter:
In nomine domini Noscant uniuersi Christi fideles hanc paginam inspecturi quod ego Gebhardus dei gracia Patauiensis episcopus pro remedio anime mee et pro salute predecessorum meorum et successorum contuli fratribus ecclesie s Nycolai iuxta Patauiam omnem censum quem ipsi fratres ammanno meo annuatim soluunt in Mautarn iure quod dicitur purchreht de curia sita in Ruch et predijs ad ipsam pertinentibus qui census spectabat ad dominicalia mense mee videlicet xxxvij metrete tritici parue mensure I reutmetz et xxj mensura et dimidia tritici eiusdem mensure que olim dabantur Walthero cognomento sin ministeriali ecclesie Patauiensis et dimidia vrna vini et xxv denarii et xxxij denarii qui eciam prius dabantur dicto Walthero hanc siquidem donacionem Anno dominice incarnacionis MCCXXIII Indiccione XI ydus Octobris V in ecclesia s Agapiti Mautarn factam confirmaui eodem anno ydus februarij predicta bona delegando manu propria de consensu tam chori Patauiensis quam ministerialium ad altare sancti Nycolai Adiecit quoque memorato censui deuotus meus Manegoldus presbiter dictus episcopus tantum de suis reditibus quod meus anniuersarius VI solidos patauiensis monete singulis annis a conuentu sancti Nycolai debeat memoriter celebrari lx denariis in vesperis et iiij solidis in mane ad fratrum refeccionem feliciter expendendis Testes autem huius donacionis hinc inde facte sunt Chunradus decanus Patauiensis Chalhohus archidiaconus Chunradus Tumpharrarius Magister zobelinus Heinricus Scolasticus Wilhalmus Cantor Chunradus Custos Eberhardus de Jahenstorf Eberhardus de vehtenbach Albertus de Possenmuenster Vlricus de Sconlieten De Ministerialibus Leutoldus de Sauersteten Hadmarus de Wesen Chunradus de Valchenstein Waltherus et frater eius Pilgrimus de Tannberch Heinricus de Merswanch Fridericus de Pesching et alij quam plures Acta sunt hec anno domini subnotato aput Patauiam In Octaua apostolorum Petri et Pauli Data per manum Chunradi tunc notarij feliciter amen