Charter Document - 04210165
| Charter Number: | 04210165 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Lay |
| Charter Type(s): | Return |
| Date: | 1222 |
| Date type: | Internal, A.D., Calendar |
| Resource Link(s): |
Monasterium.net |
Charter:
Lodewicus dei gratia Palatinus regni et Dux Bawarie Omnibus Christi fidelibus presentem paginam inspecturis Salutem in domino Ad uniuersitatis uestre noticiam cupimus peruenire quomodo domino nostro Patauiensi episcopo Comitiam in ylskeu cuius termini ab ylsa usque ad inferiorem Muhelam protenduntur eam uidelicet quam ipse dominus episcopus nobis concessit ea sibi ex resignatione nostra ab imperio concessa et etiam priuilegio confirmata nec pariter cum filio nostro resignauimus sub huiusmodi libertate ut a Comite Perngero atque ab aliis omnibus siqui forsan fuerint eum super ipsa impetentibus illam ei iuris ordine tueamur pro quo facto et ipse nobis Quingentas Marcas dabit ad festum beati Jacobi in proximo aduenturum Ad huius etiam soluende nobis pecunie certitudinem firmiorem ex officio suo Possenmvnster et de bonis suis in Sulzbach nobis et filio nostro ad LX libras in annuis reditibus lege huiusmodi obligauit ne quicquam nunc infra festum beati Jacobi ex illis percipere debeamus sed si talem nobis pecuniam adhuc forsan ipse distulerit bona eadem nobis obligata cum omni usufructu tytulo pignoris tamdiu possidebimus donec ipse ante idem festum Jacobi ea duxerit redimenda Vt igitur factum huiusmodi consistat perpetuo inconuulsum presentem paginam nostro atque domini nostri Frisingensis episcopi qui eidem interfuit sigillo signatam prefato domino nostro episcopo exhibuimus testium nominibus subnotatis Hii sunt testes Vlricus Comes de Vote Perhtoldus de Allenuelt Chunradus Comes de Moseburch Chalhohus Comes de Chirichperch Alrammus de Halse Perhtoldus de Schiltperch Leutoldus de Owa Otto Fuz Vlricus de Scrouenhousen Chunradus de Baierbvnne Chunradus de Frivndesperch Guntherus de Giesenpach Ysenricus de Waldeche Otto de Johanstorf et alii quam plures actum Bozani Nonis Septembris anno domini Millesimo CCXX Indictione VIII