Charter Document - 04210162
| Charter Number: | 04210162 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1220 |
| Date type: | Internal, Calendar, Papal |
| Resource Link(s): |
Monasterium.net |
Charter:
Honorius episcopus seruus seruorum dei Dilectis filijs Ulrico preposito et Capitulo ecclesie sancti Nycolai Paiauie ordinis sancti Augustini Salutem et apostolicam benedictionem Significasti nobis fili Preposite in nostra presencia constitutus quod bone memorie Altmannus Patauiensis episcopus ecclesie uestre fundator clare memorie L Marchioni de Austria et H Comiti de vornpach aduocaciam concessit eiusdem ecclesie certis eis redditibus deputatis statuens ut nec ipsi nec heredes eorum alijs possent officium subaduocacionis concedere Preposito et Capitulo ipsius ecclesie inconsultis Vnde nobis humiliter supplicastis ut statutum huiusmodi apostolico dignaremur munimine roborare Nos ergo uestris precibus inclinati quod super hoc prouide ac utiliter statutum est auctoritate apostolica confirmamus et presentis scripti patrocinio communimus Nulli ergo hominum omnino liceat hanc paginam nostre confirmacionis infringere uel ei ausu temerario contraire Siquis autem hoc attemptare presumpserit indignacionem omnipotentis dei et beatorum Petri et Pauli apostolorum eius se nouerit incursurum Datum viterbij XVII kalendas Maij Pontificatus nostri Anno Quarto