Charter Document - 04210161
| Charter Number: | 04210161 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 |
| Date type: | Internal, A.D., Episcopal |
| Resource Link(s): |
Monasterium.net |
Charter:
Ulricus dei Gratia Patauiensis episcopus Omnibus Christi fidelibus presentem paginam inspecturis salutem in domino Ad uniuersitatis nostre noticiam cupimus peruenire quoniam negotium faciende tradicionis super altare beati Stephani a Heinrico nobili uiro de Wessenberch tam in hubis quam in hominibus sicut antiquum pleniter continet instrumentum de nostro ac ipsius Heinrici consensu saluoque utriusque nostri iure habitis multis ac uariis hinc inde tractatibus sic non tandem dinoscitur diffinitum ut si ipse Heinricus in proxima dominica qua Letare ierusalem cantatur tradicionem eandem cum sollempnitate debita ac libertate adinplere distulerit castrum Griezpach et forum velden utrvmque cum suis pertinentiis sine omni contradictionis obstaculo uel proprietatis titulo uel loco pignoris sicut in ipso antiquo reperitur instrumento nostre cedat ecclesie possidendum Et ne super hoc ulla possit amodo suboriri calumpnia biformem paginam sigilli nostri inpressione signatam conscribi iussimus quarum ad firmiorem cautelam ipse Heinricus unam nos uero alteram duximus conseruandam Huius rei testes sunt Otto decanus Chalhohus Hertnidus prepositus magister Heinricus Rudolfus canonici Heinricus de Aheim Waltherus de Tanneberch Otto de morspach Heinricus et Wernherus de Winsperch Albero de Germundesperge Heinricus de heizenfurte Otacharus de Lithenberch Chunradus Zachhalm Chunradus de Perndorf Dietmarus de Ahalmsdorf Wernherus de Chunenberge et alii plures actum Patauie III Idus Februarii anno dominice incarnacionis MCCXX Indictione VIII Pontificatus nostri anno IIII