Charter Document - 04210159

In nomine sancte et indiuidue trinitatis odalricus gratia dei patauiensis episcopus cunctis successoribus suis et omnibus in posterum fidelibus in perpetuum Ex iniuncto nobis licet inmeritis presulatus officio non solum ecclesiis ad nos qualitercumque spectantibus tenemur preesse immo magis prodesse maxime autem his que ratione fundationis a nostris uisceribus exierunt cum non sufficiat nos a grauaminibus earumdem cessare nisi etiam manvm auxiliatricem tempore necessitatis ipsis porrigere satagamus Inherentes igitur laudabilibus coram deo et hominibus predecessorum nostrorum uestigiis ecclesiam pii confessoris S Nycolay in suburbio nostre ciuitatis a predecessore nostro pie recordationis venerabili episcopo Almanno honorabiliter constructam debita dilectione amplectimur ipsius promotioni et tranquille conseruationi quantum possumus intendendo Vnde nouerint vniuersi christi fideles tam moderni temporis quam futuri quod nos ad instantiam familiaris nobis in christo fratris et capellani Vlrici aput S Nycolavm venerabilis prepositi et capituli de chori nostri bona uoluntate consensvque vnanimi et concordi nostrorum ministerialium consilio in concambium talenti aureorum denariorum et XII solidorum uel Pataviensis monete VI librarum quas idem dominus Altmannus de dominicalibus nostris in Goldenwerde ad cameram ipsorum pro uestitv annuatim soluendas fratribus sub conmuni et regulari uita domino deo ibidem seruientibus ordinauit contulimus parrochialem ecclesiam in Widemspach cum terminis suis dote ac decimis aliisque sibi attinentibus tam cultis quam colendis tam quesitis quam querendis ac pleno iure quod ad nos in eadem ecclesia plenarie dinoscitur pertinere a predictis fratribus quieto et perpetuo tytulo possidenda saluis sibi nichilominus decimis quas in predicta insula uidelicet Golderwerde possident ratione ecclesie sue Allinchovin Audientes siquidem indebitam predicte atque Statute summe diminutionem dilectis in christo fratribus antedictis canonicis regularibus per officiales nostros nobis licet inuitis frequenter illatam nostrum super hoc ualde metuimus periculum et id tum pro nostra tum antecessorum sev etiam successorum nostrorum salute inposterum precauere cupientes quicquid de prouentibus prememorate ecclesie poterit prouenire amplius quam in prescripto concambio receperimus pro remedio anime nostre necnon et successorum nostrorum omnium salute cedat in conmunes usus dilectorum nobis in christo fratrum regularium canonicorum Vt memores talis consolationis ob reuerentiam omnipotentis dei et piissimi confessoris S Nycolai omniumque sanctorum per nostram benuolentiam sibi collate nos in suis orationibus habeant apud deum frequentius et deuotius conmendatos Vt autem talis permutatio canonice facta rata semper et inconuulsa inposterum permanere debeat hanc paginam in testimonium huius facti conscribi et sigilli nostri caractere eam fecimus conmuniri Testes vero qui huic facto intererant et de quorum consilio et consensv effectum est mancipatum hii sunt De choro cathedrales domini Otto decanus Chalohus de Valchenstein Hartnidus prepositus Chvnradus tvompharrarius Walchvnus de Stein Heinricus scolasticus in Winne Heinricus de Mistelbach Heinricus de Bettinbach arcidiaconus Magister Heinricus de Witen archydiaconus Ebirhardus de Jahinstorf cellerarius Rvdolphus Tven Willehalmus cantor Engilpoldus Chvnradus Tven custos Chunradus de S Valentino Albertus Ebirhardus de Wehtenbach Et alii De capellanis curie Magister Marquardus de Tvlina archydiaconus Chvnradus notarius curie Magister Einwicus Magister Alkerus Syboto capellanus et sacerdos De ministerialibus Hademarus Pincerna de Wesen Heinricus de Aheim camerarius Otto de Heichinpach marschalcus Waltherus de Tanneberch dapifer Otto de morspach Livtoldus de Saurstetin Otto de Jahinstorf Albero de Germundesperge Ekkardus de Vurth et Heinricus frater eius Acta sunt hec Patauie Anno Incarnationis dominice MCCXX Indictione VIII Tercio Nonas Februarii Apostolice sedis papa Honorio tercio Papatus autem anno IIII Regnante rege Friderico II Nostri autem pontificatus anno V Data Patavie per manum notarii nostri Chunradi Anno pontificatus nostri quinto feliciter Amen