Charter Document - 04210158
| Charter Number: | 04210158 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1210 |
| Date type: | Assigned |
| Resource Link(s): |
Monasterium.net |
Charter:
Ego Wezelinus abbas dei gratia ecclesie kotwicensis et totus conuentus constare uolumus omnibus nostre posteritatis hominibus quod de communi consilio cum abbate et confratribus de Paumgartenberge conuenimus quod pro decimis uini quas de duodecim iugeribus in monte Limperch infra limites parrochie chremis annuatim persoluere deberent pensionem unius talenti annuatim in festo sancti Martini persoluant Ut ergo tam nobis quam ipsis pactum huius rei ratum habeatur in successionibus nostris pro memoriali cartulam istam conscripsimus et sigilli utriusque partis inpressione pro certitudine rei munimus