Charter Document - 04210153
| Charter Number: | 04210153 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1217 |
| Date type: | Internal, A.D., Calendar, Episcopal |
| Resource Link(s): |
Monasterium.net |
Charter:
In nomine sancte et indiuidue trinitatis Vlricus dei gratia Patauiensis episcopus Omnibus Christi fidelibus presentem paginam inspecturis perpetuam in Christo salutem Vniuersitatis uestre memorie commendamus quod cum domino Cholone nobili uiro de Wessenberch uiam uniuerse carnis ingresso feodum quod ipse suique progenitores a nostra habebant ecclesia uacare cepisset heinricus frater ipsius Cholonis hoc tamen feodum quod pater ipsius possedit ab ecclesia sibi inpetrauit sub hac lege concedi quod ipse prediorum suorum centum hubas et insuper castrum Griezpach cum omnibus suis pertinentiis et familie sue XLVI utriusque sexus militaris condicionis homines super Altare beati prothomartiris Stephani infra festum beati Jacobi proxime uenturum cum pleno iure et libertate omni sublato contradictionis scrupulo se traditurum hac conditione promisit ut si ipse hec omnia pretaxato termino non compleret castrum Griezbach et forum in Velden utrumque cum omnibus suis pertinentiis uel proprietatis loco pignoris nobis crederet possidendum Nos autem peticioni ipsius heinrici beniuole postmodum accedentes diem tradicionis huiusmodi usque ad festum Martini subsecuturum proxime uolumus prolongare ita tamen sub forma pacti premissi quod si ipse eo die uel infra plene non soluerit tradicionem eandem ueluti est promissum Castrum Griezbach et forum Velden utrumque uidelicet cum suis pertinentiis secundum adtestacionem testium qui priori intererant contractui statim uel proprietatis loco uel loco pignoris pro traditione tali cessante occasione omnimoda nobis cedat Sed et hoc duximus adnectendum quod tradendorum ecclesie nostre hominum iam sex tradidit iure plenario possidendos Castrum quoque Griezpach cum suis pertinentiis similiter tradidit et traditum in feodo a manu nostra recepit Reliquos uero homines cum centum hubis illis si eas sicut prediximus ecclesie nostre donauerit ipse in feodo a manu nostra reciperet sibi et filiis suis tantum si quos habuerit ad dies uite sue tenendos quibus de medio sublatis nullus postea successorum siue heredum suorum tam in hiis omnibus quam in feodo patris sui quod ipsi contulimus quicquam iuris uendicare debebit sed omnia tunc insimul ad ecclesiam reuoluentur Ne autem hunc contractum propter fragilitatem humane memorie aliqua calumpnia seu aliquis inopinatus euentus possit infringere uel turbare ipsum biformi pagine nostro sigillo signare subscriptis testium nominibus iussimus adnotari quorum ad firmiorem cautelam ipse hinricus vnam nos uero alteram duximus conseruandam Hii sunt Magister heinricus scriba austrie Marquardus de hintperch Rudolfus de Potendorf Livtoldus de Sauerstetin Otto de Morspach Sigehardus pibro Marquardus de velwen Gotfridus camerarius Erlolfus ciuis Wiennensis Albero Gneuso et alii plures Actum Wienne VI Nonas Julii anno domini MCCXVII Indictione V Pontificatus nostri anno secondo