Charter Document - 04210152
| Charter Number: | 04210152 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1217 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et individue trinitatis Fridericus secundus diuina fauente clementia Romanorum Rex Semper Augustus et Rex Sycilie Uotis fidelium nostrorum presertim que ad manifestos Ecclesiarum usus cedere uidentur de consueta regie serenitatis munificentia pium semper fauorem uolentes impendere presentis Scripti certitudine ad notitiam presentis eui atque ad memoriam future posteritatis uenire uolumus quod ad instantiam et obnixas preces dilecti principis fidelis nostri Volrici Pattauiensis Episcopi quem in obsequiis Imperii et nostris iam dudum non tantummodo inuenimus deuotum verum etiam in sue fidelitatis feruore credimus immo non dubitamus constantem in antea permansurum ad recognitionem laudabilium meritorum suorum Comitatum prediorum ecclesie Pattauiensis sitorum per loca Ylsgowe nuncupata quem Comitatum dilectus fidelis et consanguineus noster Lodwicus palatinus comes Reni et Dux bawarie ex concessione diuorum progenitorum nostrorum Romanorum Regum et Imperatorum iure hereditario tunc temporis quiete tenuit et possedit de pleno assensu et mera uoluntate eiusdem ducis ab ipso duce in manus eminentie nostre resignatum Statim presente et petente eodem Duce contulimus memorato Episcopo Ulrico et sue Ecclesie ab ipso suisque successoribus Patauiensis Ecclesie Episcopis titulo legalis feudi perpetuo possidendum Ad cuius rei euidentiam robur atque perpetuam memoriam presens Scriptum sepedicto episcopo et Ecclesie pattauiensi indulsimus aurea bulla regie maiestatis nostre communitum Statuentes atque sub interminatione gratie nostre districte precipientes ne ulla umquam persona humilis vel alta Secularis siue Ecclesiastica hanc nostre concessionis et confirmationis gratiam infringere vel ei aliqno temmerario ausu presumat obuiare Huius rei testes sunt Sifridus sancte Moguntine sedis Archiepiscopus Ekkebertus babenbergensis episcopus Sifridus Augustensis episcopus Hainricus basiliensis episcopus Liupoldus Dux austrie et Styrie Bernhardus dux Karinthie Otto dux Meranie Comes adolfus de Sowenburch [Schowenburch] Hainricus nobilis de Niffen Anselmus de Justingen marescalcus Imperii Waltherus de Sipf [Scipf] pincerna ei Chuonradus frater eius Dieto camerarius Philippus de bonlandia Hademarus de wisint Hainricus de lonsdorf Waltherus de Tannenberch Otto de morsbach et alii quam plures Signum Domini Friderici inuictissimi Romanorum Regis et semper Augusti et Gloriosi Regis Sycilie Ego Chuonradus Metensis et Spirensis episcopus Imperialis aule Cancellarius vice domini Sifridi Moguntini archiepiscopi totius Germanie Archicancellarii Recognoui Acta sunt autem hec anno domini Millesimo CCXVII Regnante domino Friderico secundo diuina fauente clementia Romanorum Rege et semper Augusto et rege Sicilie inuictissimo anno Romani Regni eius Quinto Sicilie uero XVIII feliciter Datum in sollempni curia apud Nuremberch celebrata anno pretaxato VIII Kal Febr Indictione V