Charter Document - 04210150
| Charter Number: | 04210150 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1215 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In Nomine Sancte et Indiuidue Trinitatis amen Fridericus secundus diuina fauente clementia Romanorum Rex et semper Augustus et Rex Sycilie Quia res geste diffidentie periculum et obliuionis dispendia pati frequenter consueuerunt placuit per presentium continentia notitie modernorum et futurorum transmittere quod cum quedam controuersia uerteretur inter dilectum fidelem et consanguineum nostrum Manegoldum venerabilem Patauiensis ecclesie Episcopum et inter dilectum fidelem et consanguineum nostrum Luipoldvm ducem Austrie et Stirie super iure patronatus Wiennensis ecclesie et super Aduocacia fori in sancto Ypolito et super generali terre iudicio quod Lantgerihte nominatur quod idem dux in quibusdam bonis iam dicte pataviensis ecclesie suo iuri uendicabat et in quibusdam bonis eiusdem ecclesie fodrum quod vvlgo dicitur Marchetfuoter ad se asserebat pertinere nos iam dictis principibus in Ciuitate Augusta in presentia regie sublimitatis constitutis amicabilem inter eos concordiam fecimus et compositionem ita quod ad petitionem nostram sepedictus dux cessit liti et in manus nostras renunciauit omni iuri quod habuit uel quod habere uidebatur in predicto patronatu Wiennensis ecclesie et in Aduocatia sancti Ypoliti specialiter etiam renunciauit fodro et Lantgerihte quod habuit in quodam predio pataviensis ecclesie quod dicitur Swabdorf et in omnibus illius attinentiis et quicquid in hiis uel in aliis bone memorie pater suus de iure suo pataviensi ecclesie contulerat ipse quoque pro se et pro vniversis suis successoribus eidem recognouit renunciauit etiam liti quam habuit pro ponte in Ebelsperch Nos autem eandem Aduocatiam in sancto Ypolito et Lantgerihte et Marchetfvter sicut predictum est et siqua sunt alia iura que in causis predictis ad nostram pertinent donationem de consensu et bona uoluntate ducis concessimus predicto Episcopo et ecclesie sue iure perpetuo possidenda Vt autem hec nostre benignitatis gratia siue donatio rnemorato Episcopo rata maneat et inconvvlsa perpetuo perseueret hanc paginam regio Karactere et sigilli nostri firmitudine fecimus insigniri Hii sunt testes qui huic celsitudinis et clementie nostre facto interfuerunt Eberhardus Salzburgensis Archiepiscopus Otto frisingensis Episcopus Chunradics Ratisponensis Episcopus Sifridus Augustensis Episcopus Chunradus prepositus frisacensis Ruodegerus pataviensis Canonicus prepositus in Cella Vlricus pataviensis Canonicus et plebanus in fischa Heinricus pataviensis Canonicus et plebanus in probstorf Lodwicus dux Bawarie et palatinus Reni Dipoldus Marchio de fohburch Albertus comes de Eberstein Hartmanus Comes de Wirtenberch Heinricus de Niffen Werenherus de Bonlant dapifer Waltherus pincerna et alii quam plures Signum domini friderici secundi Romanorum Regis invictissimi et Regis Sycilie Acta sunt hec anno dominice incarnationis MCCXV Indictione III regnante domino Friderico secundo Romanorum Rege glorioso et Rege Sycilie Anno regni eius tertio Datum apud Augustam Nonis Aprilis