Charter Document - 04210144
| Charter Number: | 04210144 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1209 |
| Date type: | Internal, A.D., Calendar, Episcopal |
| Resource Link(s): |
Monasterium.net |
Charter:
Manigoldus dei gratia Patauiensis ecclesie episcopus cunctis Christi fidelibus salutem in eo qui est salus et vita Cum labilis est memoria hominum ideo ea que coram nobis fuerint contractu uel quoquam pactu de consensu partium terminata scripture conuenit Aminiculo perennari neper diurnitatem siue longinquitatem temporis ea que bene ac rite secundum voluntatem contrahentium peracta siue diffinita sunt in dubium valeant reuocari Nouerit itaque presens etas ac posteritas successura quod dilectus in Christo frater noster Timo canonicus ecclesie Patauiensis cum ruedego milite qui uulgo biber cognominatur et domina benedicta vxore sua conuenit ut huebam quam habebant in pinphingen aliam huebam in otherbach et quartam partem huebe in Ruite sibi venderent pro certa pecunie quantitate libris videlicet quadraginta qua conuentione facta supradictus frater noster Timo per procuratorem etiam dictus Ruedigerus cum vxore sua prenotata nostram presentiam adierunt qui quemadmodum antea inter ipsos conuenerant sic coram nobis postmodum venditio est solempniter celebrata et possessio supradictorum prediorum pura et libera ab omni aduocato ac iure aduocatie quemadmodum penes ipsos fuerat emptori est tradita ac assignata Insuper sciendum est quod inter contrahentes scilicet emptorem et venditores tempore venditionis sic conuenit vt si ipse Ruedigerus biber uel vxor eius sepe nominata aut heres uel heredes ex quocumque latere siue linea procedentes venditionem iam dictam infringere attemptauerint et forte iudicio uel alio quoquam casu per ipsos venditio dissoluta fuerit predia sepedicta Thimo aut ille ad quem ea transmiserit donando siue vendendo uel quocumque alio modo pro ducentis libris monete patauiensis habeat obligata Preterea sciendum est quod sepedictus frater noster Thimo videlicet hubas supradictas in manus nostras tradidit siue tradi mandauit quodam iure speciali ac conswetudinario quod Sale wlgariter appellatur Testes autem huius facti sunt chalhohus otto canonici Magister heinricus de wite Magister christianus notarius Marquardus de aspach Reinbertus de asparn bertoldus de almesuelde Hainricus Tekkingere Chunradus planchinberc Johanes de grimarstetin Hartnidus de scowenberc Sighardus de sancto vito Merboto frisacensis Hainricus sweuus clerici layci Golo de Chuechenpach et frater eius hainricus Witigo de planchinberc Albero gnesse cum duobus filiis suis alberto et Alberone Arnoldus de Haselberch Hainricus de esilberch Rudigerus pincerna Otto de Mvnichen Pabo Chehelrine Engilgerus dispensator wernherus de winisperch Rupertus stal Chvnradus de houe Chunradus Marschalcus de Schoneberch Hainricus de tobel et gener suus fridericus Hehelo de bochesrukke et filii sui Hainricus et dyetmarus Hainricus de Rotenuelse cum filio suo levtoldo et wernhardo pillungus de planchenwerch Aurwicus de vischpach cum filio suo chvnrado Hainricus de sancto vdalrico et frater eius Siboto Dyetricus de sancto Johanne cum filio suo chvnrado et alii quam plures Acta sunt hec Anno domini MCC nono II Nonas Julii in villa que wlgo grimarstetin appellatur Anno pontificatus nostri IIII