Charter Document - 04210143

In nomine sancte trinitatis et indiuidue unitatis Liupoldus dei gratia dux austrie et stirie uniuersis christi fidelibus tam presentis etatis quam future generationis in perpetuum Quoniam quidem non est potestas nisi a deo expedit in potestatibus precipueque in sublimitate principali constitutis deum semper habere propitium in cujus manu sumus et nos et potestas nostra Nimirum etsi multis magnisque detenti negociis digne ipsi ut oportet seruire ac placere non possumus possumus tamen ac debemus seruientibus ej et placere studentibus cooperari in bonum eosque tuendo fouendo manutenendo perpetuam deitatis propiciationem promereri Quapropter inter alios dei famulos sub nostra ditione constitutos et nostra defensione tuendos fratres quoque in boumgartenberge domino deo seruientes numeramus ac conscribimus eorumque et in presens quieti et securitati in posterum presentis priuilegii munimine prouidemus ac prospicimus Ut igitur tam ipsi quam cuncta ad eos pertinentia sub tutela nostra perpetua debeant pace gaudere uniuersas eorum possessiones in hac pagina scriptas atque expressas ab omni uiolentorum inuasione fraudulentorum subreptione tutas omni tempore liberasque permanere censemus Et primo quidem locum in quo abbatia ipsa sita est cum uniuersis que eidem abbacie ab ipsius fundatore Ottone scilicet de machlant nobili ac libere conditionis uiro sunt donata Castrum uidelicet quod boumgartenberge dicebatur nemus eidem castro contiguum et cum nemore quicquid in eo sui iuris erat sine omni exceptione memoratus Otto delegauit Delegauit etiam modininsdorf predium predium tunnic predium gozzoltingen in quibus nunc ipsorum grangie sub eisdem nominibus site sunt quorum prediorum omnium hij sunt termini PRedium modininsdorf ad orientem quidem conterminum est agris cuiusdam matrone Elysabeth sororis quondam beatricis de Klamme ad occidentem uero lawarn habet confinium et ad austrum ab utroque termino finitur in danubio Predium uero Tunnic in latere uno iungitur agris uille que dicitur fridehalmesdorf in altero uille que Kolbingen appellatur Predium uero gozzoltingn ab una parte pertingit usque ad amlungesbach ab altera ad terminos castri Klamme Addidit quoque prefatus uir ecclesias duas unam sancti Jacobi in predicto castro sitam alteram sancti Lamberti in modininsdorf cum molendinis terris campis pratis pascuis siluis aquis aquarumque decursibus piscationibus et omnino cum omnibus que ibidem ipse possederat Preterea in teufenbach VIII mansos cum molendino et nemore adiacente in icendorf duas maierias in putcingen duos mansos in marquartesdorf et in wulkendorf VIII mansos cum curtilibus et aliis eorum attinenciis in cremis uineam que appellatur scherfespeunte et alteram que dicitur superior uinea terciam in monte qui uocatur laimgruobe et in radendorf quartam cum predio in gneusendorf quod nunc est grangia eiusdem nominis pertinente ad illam quodam agro in hartrates cum aliis appendiciis Hec omnia sepedictus Otto in usus fratrum in boumgartenberge deo et sancte Marie delegauit preter que fratres ipsi predium quoddam ab Ulrico quodam milite concambio exemptum absque omni querimonia per annos plus quam quinquaginta iam possident in quo predio nunc est grangia ipsorum que Kuehof appellatur Huic contiguum habent quoddam predium partim cultum partim incultum quod in uno latere terminum habet fluuium nerden in altero uallem que a Kirchstege ipsum disterminat in tercio lawarn in quarto modininsdorf Huic proximam in lawarn mageriam unam in werde duos mansos quorum unum beatrix de Klamme contulit alterum Ulricus puer filius Ottonis comitis de uelburc In harde etiam predium possident quod Hermannus de bocchesrucke eis donauit quod tamen fratres de domo sancti Floriani ad se pertinere contendebant sed contentio illa per arbitros ita decisa est ut in predio ipso nemo decetero quicquam uiris habere debeat nisi fratres de boumgartenberge Ipsum uero predium a fluuio nerden usque ad agros uille stercingen longitudinem trahit latitudinem uero tendit a predio quod zagelowe dicitur usque ad predium quondam Eberhardi de brotestrum In danvbio autem quedam insula et in Ruoprehteshouen prediolum unum in nivheim uero duo prediola ad predictum predium harde pertinent Extra usum uero ipsi tamen contiguum in orientali parte predium habent quod dicitur pirken datum a Rudgero filio Wichardi de Klamme in parte uero occidentali duos mansos quos emerunt ab Eberhardo de brotestrum triaque prediola que contulit Willebirgis filia predicti Eberhardi mansum quoque unum in Wagrein ac prediolum in Werde data a duobus fratribus Heinrico et dietrico de nerden mansumque unum quem contulit Heinricus iam dicti Dietrici filius et in heumad unum mansum datum ab Einwico de Kuleibe Ceterum Dietmarus de agste delegauit eis in Marbach ecclesiam et duas maierias mansosque duos et in aliis diuersis locis maierias duas ac prediola XXVIII Duo quoque prediola iuxta rechperc contulit eis Sigelochus de fridhalmesdorf in ellenbach gerungus unum et alterum Ulricus de ipso loco in Erla unum beatrix de Klamme secundum Eticho tercium Wuldungus cognomento lithus iuxta steininrvte mansum unum contulit eis Otto comes de Klamme alterum Reinoldus de fridehalmesdorf in Eichperc prediolum unum Ulricus de Castro et Modinsecke decem prediola Herwicus de loco ipso iuxta munchesbach prediolum unum Chunradus de steine in fossa prediolum unum Mahthildis de Klamme iuxta hohenberge predium unum quedam Ebrlindis iuxta guningen prediolum unum contulit eis Hermannus de Krvcen Preterea apud Rotensteine siluam unam et quatuor predia emerunt quintum eis dedit Elysabeth de plasensteine sextum Heinricus shiemer ex quibus sex prediis grangiam unam fecerunt De nordica quoque silua in Kunegeswisen ad quinquaginta mansos habent ex donatione primi sui fundatoris supradicti scilicet Ottonis de machlant nobilis uiri In Krvcebach etiam predium unum contulit eis Ulricus senior de ibenberc in teufenbach prediolum unum Ulricus de sachsen iuxta sachsen predium unum Helenwicus iuxta grine predium unum Gumpoldus in wizzenbach duo prediola Gotfridus de beien iunior tercium ibidem a duobus eiusdem Gotfridi fratribus emerunt in hersdorf predium unum contulit Salmannus de richenowe in Sachsendorf agrum unum Helce in icendorf mansum unum Diemuodis soror Ruodgeri de ipsa villa alterum emerunt a Sifrido de tanne et ab eodem duo prediola in werde in nocchelingen sex mansos et curtile contulit eis ratisponensis burcrauius cremis uero in monte qui dicitur winzurlberc unam uineam contulit eis beatrix de Klamme et alteram in radendorf Herbordus de Flacckeneke delegauit et in amlungesbach mansum unum Otto comes de uelburc Hec sunt predictorum fratrum de boumgartenberge uniuersa predia que nunc habent que cuncta eis nostra principali auctoritate confirmamus statuimusque ut non solum ab aduersariorum uexatione quieta sed ab omni etiam aduocatorum exactione perpetuo iure sint libera Constat enim et in placito nostro Mutarn ex sententia perquisitum atque inuentum est omnes cysterciensis ordinis monachos tale ius ex antiquo habere ut nec ipsi nec ipsorum predia ulli aduocato quicquam soluere debeant sed neque aduocatum eis habere liceat nisi defensorem principem ipsum qui caput est terre in qua quique eorum degunt et hunc solam dei retributionem pro ipsorum defensione debere exposcere Proinde sepedictis fratribus ius ipsum sic conseruari ac constare decernimus ut neque aduocati neque defensoris nomen super eos aut eorum possessiones habere quisquam debeat nisi nos et in principatu nobis succedentes aut cui uices nostras ad tuendum eos iniunxerimus Qui tamen si nomen aduocati habere si ius aduocati exigere siue aliis modis eos grauare uoluerit reicere eum et a nobis alium petere atque accipere iuste poterunt Concedimus etiam eis ut uinum atque alie res eorum apud omnes thelonearios nostros liberum habeant transitum ita ut quicquid uehant nemo ab eis uectigal aut quicquam nostri iuris exigere debeat Ut igitur cuncta hec rata inconuulsaque perenni stabilitate consistant presentem paginam sigilli nostri impressione conmuniri fecimus testibus annotatis quorum hec sunt nomina Ulricus comes de Klamme Liupoldus de molansdorf pincerna Heinricus iunior de prunne dapifer Heinricus de tribanswinkel Chunradus mace Dietmarus de Retelenberge Chunradus de Wildecke Heinricus prvoshienke Heinricus shicke friderikus de shatowe Ulricus de sachsen Gumpoldus de alhartesberge Jubordus de Castro Lupordus de silua Richerus de insula et alii plures Datum in Boumgartenberge Anno ab incarnatione domini MCCVIIII Indictione XII II Kalendas Februarii Per manum Ulrici notarii