Charter Document - 04210135
| Charter Number: | 04210135 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1202 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocencius episcopus seruus seruorum dei dilectis filiis preposito et fratribus Ranshouensis ecclesie salutem et apostolicam benedictionem Justis petencium desideriis dignum est nos facilem prebere consensum et uota que a racionis tramite non discordant effectu prosequente complere Ea propter dilecti in domino filii uestris iustis postulacionibus grato concurrentes assensu felicis recordationis Celestini pape predecessoris nostri uestigiis inherentes presencium auctoritate statuimus ut is qui in Ranshouen ecclesia locum regiminis obtinet curam plebis ad eandem ecclesiam pertinentis exerceat ut uidelicet nullus in tota illa parrochia preter archiepiscopum et dyocesanum episcopum et eundem prepositum aliquit debeat ordinare Nulli ergo omnino hominum liceat hac nostre paginam constitucionis infringere uel ei ausu temerario contraire Siquis autem hoc adtemptare presumpserit indignacionem dei omnipotentis et beatorum petri et pauli apostolorum eius se nouerit incursurum Datum laterani VI Kal Junii pontificatus nostri anno quinto