Charter Document - 04210134
| Charter Number: | 04210134 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1200 |
| Date type: | Assigned |
| Resource Link(s): |
Monasterium.net |
Charter:
Wolfkerus dei gratia patauiensis episcopus cunctis christi fidelibus in perpetuum Quotiens negocia recordatione digna res aut tempus obtulerit opere precium uidetur vt idonea scriptorum simul et testium assignatione roborentur Hinc est quod pro habundantis cautele remedio memorie tam presentium quam futurorum notum fore uolumus qualiter Chremis in communj totius cleri nostri Capitulo litem que inter dilectum filium et fratrem nostrum dominum S prepositum Sancti Johannis in Walthusen et Rudigerum de Semphtenberch pro foro in Chunigiswisen iam div uersatam cum amicorum utriusque partis consilio consulte deciderimus eo uidelicet tenore vt prefatus Rudigerus eidem ecclesie in primo aditu post decisam litem decem talenta Winnensis monete et annuatim duodecim solidos stabili iure persoluat Quod si forsan vt plerumque contingit per negligentiam aut temeritatem annuum illud pactum statuto tempore hoc est in festo Sancti Mychaehelis soluere neglexerit in primo anno duo talenta resarciat et si deinceps nec ipse nec aliquis filiorum aut nepotum vel etiam totius posteritatis prefatam ecclesiam super eodem predio inquietare presumat Huius igitur coniuentie paginam inpressione sigilli nostri confirmamus et subscriptis testibus roboramvs