Charter Document - 04210121
| Charter Number: | 04210121 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1195 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et indiuidue trinitatis Wolfkerus Dei gratia Patauiensis episcopus omnibus Christi fidelibus in perpetuum Episcopalis officii esse dinoscitur Venerabilia et Religiosa loca pio amore complecti et eorum iustis postulationibus gratum impertiri consensum Quapropter venerabilis fratris nostri Friderici abbatis de Boumgartenberge et fratrum illius peticioni acquiescentes et necessitudinem adtendentes omnem decimationem que nos contingebat de curte ipsorum quam colunt in Harde predicto abbati eiusque successoribus et fratribus ibidem deo famulantibus legitime tradidimus receptis in concambio ad usus ecclesie nostre quatuor curtilibus quorum duo sita sunt in Steinbuhel tercium in Rutprehteshouen quartum in herstorf Et ut hec nostra traditio firma et inconuulsa permaneat presentem paginam conscribi fecimus et sigilli nostri impressione roborauimus Testes etiam qui publice nostre actioni huic interfuerunt propriis nominibus annotari precepimus Hartwicus de lengenbach Ratisbonensis ecclesie aduocatus Hademanis de Chunringen Wichart de Zebingen Irnfrit de Gnannendorf Otto de haselowa Ulricus Struno Rudolfus de Chirchlingen Siqua igitur ecclesiastica secularisue persona contra hanc nostre traditionis paginam uenire temptauerit si secundo tercioue comonitus non emendauerit uel resipuerit iram omnipotentis dei incurrat Acta sunt autem hec anno ab incarnatione domini MCXCV Indictione XIII Presidente Sancte Romane ecclesie domino papa Celestino anno Pontificatus eius V Imperante domino Heinrico Imperatore inuictissimo Anno Imperii ejus V Anno uero Pontificatus nostri Quinto VIII Kal Augusti In loco qui dicitur Wienna