Charter Document - 04210100

Lucius episcopus seruus seruorum dei dilectis filiis heinrico abbatj monasterij sancti michaelis lunelacensis eiusque fratribus tam presentibus quam futuris regularem uitam professis jn perpetuum Quotiens a nobis petitur quod religionj et honestatj conuenire dinoscitur animo nos decet libentj concedere et petentium desideriis congruum suffragium impertirj Ea propter dilectj in domino filij uestris iustis postulationibus clementer annuimus et felicis recordationis Innocentij pape predecessoris nostrj uestigiis inherentes prefatum monasterium beatj Michaelis archangelj Lunelacense in quo diuino estis obsequio mancipatj sub beatj Petrj et nostra protectione suscipimus et presentis scriptj priuilegio conmunimus Statuentes ut quascunque possessiones quecunque bona idem monasterium inpresentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipiscj firma uobis uestrisque successoribus et illibata permaneant In [quibus] hec propriis duximus exprimenda uocabulis Locum ipsum in quo prefatum monasterium situm est cum omnibus pertinentiis suis Ecclesiam Steinnchirchin Ecclesiam Wisilburch Ecclesiam Sconinj Ecclesiam Strahuual Ecclesiam de Abbatesdorf Ecclesiam Vrebach Ecclesiam Voberwange Ecclesiam Abersse que est filia ecclesie uestre Maninse cum capellis in proprio fundo constructis cum decimis et omnibus earundem ecclesiarum pertinentiis Predium Sconwe Predium Abbatesberge Predium Scinnenburch Predium Vrebach Predium helphiwe Predium quod Chunradus de Irmbretingen et uxor eius Mathildis eidem monasterio contulerunt uidelicet Irmbretingon et apud Tettingon curiam unam et apud Ratueth mansum unum et apud Lauganc mansum dimidium cum mancipiis ad ipsum predium pertinentibus et Vineas quas emistis apud Chremise In parrochialibus insuper ecclesiis quas habetis liceat uobis sacerdotes eligere et diocesano episcopo presentare quibus si idonej fuerint episcopus animarum curam conmittat ut ej de spiritualibus uobis autem de temporalibus debeant respondere Obeunte uero te nunc eiusdem locj abbate uel tuorum quolibet successorum nullus ibj qualibet surreptionis astutia seu uiolentia preponatur nisi quem fratres conmunj consensu uel fratrum pars consilij sanioris secundum dej timorem et beatj Benedictj regulam prouiderint eligendum Decernimus ergo ut nullj omnino hominum fas sit prefatum monasterium temere perturbare aut eius possessiones auferre uel ablatas retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentatione concessa sunt usibus omnimodis profutura Salua sedis Apostolice auctoritate et dioeesanj episcopj canonica iustitia Siqua igitur in futurum ecclesiastica secularisue persona hanc nostre constitutionis paginam sciens contra eam temere uenire temptauerit secundo tertioue conmonita nisi reatum suum digna satisfactione correxerit potestatis honorisque suj dignitate careat reamque se diuino iudicio existere de perpetrata iniquitate cognoscat et a sacratissimo corpore et sanguine dej et dominj redemptoris nostrj iesu christj aliena fiat atque in extremo examine diuine ultionj subiaceat Cunctis autem eidem loco sua iura seruantibus sit pax dominj nostrj iesu christj Quatinus et hic fructum bone actionis percipiant et apud districtum iudicem premia eterne pacis inueniant Amen Amen Amen [Signum Pape] C Ego Lucius catholice ecclesie episcopus ss C Ego Theodinus portuensis et sancte Rufine sedis episcopus ss Ego Henricus Albanensis episcopus ss C Ego Petrus presbyter cardinalis C Ego Jacobus diaconus cardinalis sancte Marie in Cosmydyn ss C Ego Arditio diaconus cardinalis tituli sancte Susanne ss Ego Viuianus tituli sancti Stephani in celio monte presbyter cardinalis ss Sancti Theodorj ss C Ego Laborans presbyter cardinalis sancte Marie trans tiberim tituli calixti ss C Ego Ranerius Presbyter Cardinalis sanctorum Johannis et Paulj titulj Pamachij ss C Ego Hubertus presbyter Cardinalis tituli sancti Laurentij in damaso ss C Ego Pandulfus presbyter Cardinalis tituli basilice duodecim Apostolorum ss C Ego Gratianus sanctorum Cosme et Damianj diaconus Cardinalis ss C Ego Bobo diaconus cardinalis sancti angeli ss C Ego Gerardus sancti Adriani diaconus cardinalis ss C Ego Soffredvs diaconus Cardinalis sancte Marie in uia lata ss Datum Velletri per manum Alberti Sancte Romane ecclesie presbyteri Cardinalis et Cancellarij vij Kalendas Marcij Indictione ij Incarnationis dominice Anno MCLXXXIJ Pontificatus uero domni Lucii pape iij Anno ij