Charter Document - 04210079
| Charter Number: | 04210079 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1150 |
| Date type: | Assigned |
| Resource Link(s): |
Monasterium.net |
Charter:
H dei gratia dux Boarie omnibus Christi fidelibus imperpetuum Justis petitionibus assensum prebere et ecclesiarum paci studere nostram decet discretionem id enim nobis et ad presentem uitam et ad illam quam expectauimus in celis remunerationem profuturum credimus Quapropter sciendum et memorie tam presentium quam futurorum diligenter conmendandum qualiter nos pro petitione et dilectione karissimi domini et fratris nostri C patauiensis ecclesie episcopi Adelbertum cognatum nostrum ab Aduocatie administratione ecclesie sancti ypoliti remouimus eamque in manum iam dicti domini et fratris nostri debite dilectionis ac fidelitatis quam erga ipsum habuimus intuitu Predicte ecclesie Patauiensi cum omni libertate re signauimus videbatur enim ultra quam iustum esset eandem ecclesiam supradictus cognatus noster Adelbertus grauare et episcopum sub nomine aduocatie turbare Itaque in futurum omnem questionem auferentes et omnimodis tranquillitati dilecti fratris nostri intendentes eidem Adelberto fideli et cognato nostro beneficium iam sepe dicte Aduocatie de aliis nostris reditibus copiose recompensauimus et decetero omnem repetitionem inter clusimus In futuris autem temporibus hec inconuulsa ut permaneant sit testis cum omnibus qui aderant presens pagina sigillo nostro bullata Facta sunt hec in conuentu celebri in loco Anesi presentibus multis utriusque nostrum fidelibus et religiosis uiris ad hec fideliter collaborantibus