Charter Document - 04210052
| Charter Number: | 04210052 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1050 |
| Date type: | Assigned |
| Resource Link(s): |
Monasterium.net |
Charter:
In nomine sancte et indiuidue trinitatis patris et filij et spiritus sancti Ego Otto consensu fratris mei et consensu consagwineorum meorum Vdalschalchi et Dieterici Monasterium Herlahense jn honore sancte Marie sancti Petri et sancti Johannis Baptiste construximus sororemque meam Gisilam jnibi deo militaturam sub ordine sancti Benedicti Abbatissam ordinari elaboranimus jta quidem quod et liberam electionem Abbatisse sanctimonialibus perpetualiter jnstituimus et michi nobisque succedentibus aduocacie dignitatem secundum peticionem Abbatisse sine aliquo subaduocato ad honorem dei et conseruacionem familie censuimus huiusmodi libertatis auctoritatem legitime et religiose inchoatam liberaliter et honeste obseruandam Venerabilis sancte Patauiensis ecclesie episcopi Eigelberti suorumque successorum amminieulo et defensioni assignauimus vt si forte infelix quis jnter successores nostros degener et extraneus prefatam ecclesiam jn aliquo presumpserit libertatis iure damnare vel minorare spirituali gladio dei et omnium sanctorum dominique pape et omnium episcoporum archiepiscoporum et precipue Patauiensis episcopi cuius fideli tuicioni commisimus multatus erubescat et satisfaciat deo et prefate ecclesie conseruatores uero eiusdem cenobij cum Abraham et Isaac et Jacob dei benedictione fruantur violatores vero in eternum cum Dathan et Abiron et Juda traditore in infernum cruciandi tradantur jn fundacionem igitur eiusdem ecclesie tradidimus sancte Marie et prenominatis sanctis predia nostra absque contradiccione scilicet Herta et omnes hereditarias possessiones circa hunc locum sitas Steine Waldarn Gruobe Hengelberge Wengelbach Gotthinhofen Pahenze Asscha Flinsbach Wernhersdorff Scauervelt Imcinesdorff eodem die Venerabilis Eigilbertus episcopus tradidit prenominatis sanctis quinque hobas et duas vineas cum mancipijs jn ecclesia quoq ue Oftherinhen terciam partem decimacionis iuxta ecclesiam Woluesbach predium et jntegram decimacionem de vigintiquatuor mansis jn plebana ecclesia sancti Valentini jntegram decimacionem de viginti quatuor mansis jn ecclesia Ardacker predium et duas partes decimacionis Huius tradicionis testes per aures tracti sunt Hartman de Herla Wernhere de Staffelarn Frithel Herbo Yilithich de Ardacker Walchun de Perge Pilegrim de Cella Alram de Wilheringen Vdalrich de Maclant Hadamar Hadamar de Herla Hederich de Hederichesdorff Hartbic de Heide Jedunc Regil et alij quam plures