Charter Document - 04210051
| Charter Number: | 04210051 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1049 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et indiuidue trinitatis Heinricus diuina fauente clementia romanorum Imperator Augustus Nouerint quique christi nostrique fideles tam futuri quam presentes qualiter nos ob interuentum nostri thori ac regni consortis scilicet Agnetis imperatricis auguste nec non ob petitionem et deuotum famulatum nostri fidelis et dilecti Egilberti Patauiensis ecclesie episcopi ex nostra imperiali auctoritate prenominato episcopo tradidimus atque concessimus ius et potestatem legitimi banni super uenatione et foresto in predio sancti Stephani protomartyris eiusdem episcopii patroni scilicet in comitatu Adalberti marchionis et intra geminas fluminum Sabinichi et Tvminichi ripas sito Ea uidelicet conditione ut nemo absque licentia et uoluntate prefati episcopi successorumque suorum infra predictos eiusdem foresti terminos banni conclusione uetitos presumat uenari aut aliquod genus ferarum quod inforestatum iure banni interdicitur lege qualibet uenatorie artis industria capere uel decipere Et ut hec nostra imperialis traditio atque concessio eiusdem banni quod donauimus in potestatem Egilbarti episcopi apud ipsum successoresque suos predicte Pataviensis ecclesie futuros episcopos Stabilis et inconuulsa perenniter maneat hoc preceptum inde conscriptum manu propria corroborantes sigilli nostri impressione iussimus insigniri Signum domni Heinrici tercii regis inuictissimi secundi romanorum imperatoris augusti uuinitherius cancellarius uice bardonis archicancellarii recognoui Data XVI Kal Julii Anno dominice incarnationis Millesimo XLVIIII indictione II Anno autem domni Heinrici tercii regis imperatoris secundi ordinationis eius XXI regni quidem XI imperii autem III in nomine domini Actum Gemvnde feliciter Amen