Charter Document - 04210050
| Charter Number: | 04210050 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1041 |
| Date type: | Internal, A.D., Regnal |
| Resource Link(s): |
Monasterium.net |
Charter:
In nomine sancte et indiuidue trinitatis Heinricus diuina fauente clementia rex Si sanctarum ecclesiarum res ex nostris facultatibus ampliamus hoc ad presentis nostre uite statum et ad eterne retributionis premium nobis profuturum esse in dubitamus Huius spei gratia nos ob interuentum ac peticionem Gisile dilectissime matris nostre imperatricis auguste nec non et Tietmari Salzburgensis ecclesie uenerabilis archiepiscopi quandam nostre potestatis curtem Ostermundingun nominatam in pago Salzgowe et in comitatu Aribonis palatini comitis sitam frisingensi ecclesie in honorem sancte Marie sanctique Corbiniani confessoris consecrate et constructe ob dilectionem et gratam nobis seruitutem Nitgeri ecclesie prefate uenerabilis episcopi Cum omnibus suis pertinentiis hoc est utriusque sexus mancipiis areis edificiis terris cultis et incultis agris pratis pascuis campis siluis uenationibus ecclesiis decimationibus aquis aquarumque decursibus molis molendinis piscationibus uiis et inuiis exitibus et reditibus quesitis et inquirendis seu cum omni utilitate que ullo modo inde potest prouenire in proprium dedimus atque tradidimus Ea uidelicet ratione ut prescriptus Nitgerus episcopus suique successores de pretitulata curte liberam dehinc potestatem habeant scilicet tenendi commutandi precariandi uel quicquid sibimet ad usum prenominate ecclesie placuerit inde faciendi Et ut hec nostre traditionis regalis auctoritas stabilis et inconuulsa omni permaneat euo hanc paginam inde conscribi manu propria ut infra uidetur corroborantes sigilli nostri inpressione iussimus insigniri Signum domni Heinrici tercii regis inuictissimi Eberhardus cancellarius uice bardonis archicancellarii recognoui Data II idus Maii Indictione VIIII Anno dominice incarnationis MXLI Anno autem domni Heinrici tercii ordinationis eius XIIII Regni vero II Actum wormatie feliciter Amen