Charter Document - 04210047
| Charter Number: | 04210047 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1039 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et indiuidue trinitatis Chuonradus diuina fauente clementia romanorum Imperator Augustus Omnium Christi nostrique fidelium tam futurorum quam presentium sciat industria qualiter nos ob interuentum ac petitionem dilectissime contectalis nostre Gisile imperatricis Auguste necnon unice prolis nostre Heinrici regis Burgundionum fideli nostro comiti Biligrimo regalem mansum in loco Metemenhaa dicto in pago Matgouue in comitatu eiusdem Biligrimi situm cum omnibus ad eundem mansum pertinentibus in proprium tradidimus cum areis edificiis mancipiis utriusque sexus agris terris cultis et incultis pratis pascuis campis siluis uenationibus aquis aquarumue decursibus molis molendis piscationibus uiis et inuiis exitibus et reditibus quesitis et inquirendis seu cum omni utilitate que ullo modo inde prouenire poterit eo nimirum tenore ut prescriptus Biligrim de eodem manso liberam deinceps habeat potestatem tenendi tradendi commutandi precariandi uel quicquid sibi placuerit inde faciendi Et ut hec traditionis auctoritas stabilis et inconuulsa omni tempore perseueret hoc preceptum inde conscriptum manuque propria roboratum sigilli nostri impressione precepimus insigniri Signum domni Chuonradi inuictissimi Romanorum Imperatoris Augusti Theodericus Cancellarius uice Pardonis Archicapelluni recognouit Data Kal Maii Indict VII Anno dominice incarnationis XXXXVIIII anno autem domni Chuonradi secundi regnantis XII Imperantis vero XIII Actum Nouiomago feliciter amen