Charter Document - 04210041
| Charter Number: | 04210041 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1007 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et indiuidue trinitatis Heinricus diuina fauente clementia rex Saluberrimis igitur sacri eloquii institutionibus erudimur et admonemur ut temporalia relinquentes bona et terrena postponentes commoda eterna et sine fine mansura in celis studeamus adipisci consistoria Quapropter nos dominicis non surdum auditum prebentes preceptis et deificis obtemperando intendentes suasionibus quendam nostre paterne hereditatis locum Babenberc dictum in sedem et culmen episcopatus sublimando proueximus et romana auctoritate atque venerabilis Heinrici vvirciburgensis episcopi consensu ac pari communique omnium nostri fidelium tam archiepiscoporum quam episcoporum abbatumque nec non ducum comitum consultu decretoque in honorem sancte dei genitricis Marie Sanctorumque apostolorum Petri et Pauli necnon Martirum Kiliani atque Georii stabiliuimus et corroborauimus ut et inibi nostrum parentumque nostrorum celebre haberetur memoriale et jugis pro omnibus ortodoxis hostia mactaretur salutaris Proinde nouerit omnium nostri fidelium tam presens etas quam et successura posteritas quia nos nostre proprietatis quendam locum Aterahof dictum in pago Ateragowi et in comitatu Gebehardi comitis situm ad eandem episcopalem sedem Babenberc dictam vna cum omnibus eius pertinentiis siue adherentiis videlicet vicis villis ecclesiis seruis et ancillis areis edificiis terris cultis et incultis uiis inuiis exitibus et reditibus quesitis uel inquirendis siluis forestibus saginfs venatonibus aquis piscationibus molis molendinis rebus mobilibus et inmobilibus ac ceteris rebus omnibus que rite dici uel scribi posunt utilitatibus hac nostre auctoritatis preceptali pagina prout firmissime possumus donamus atque proprietamus omnium contradictione remota Precipientes igitur ut nobis in deo dilectus sepe dicte sedis Eberhardus episcopus liberam dehinc habeat potestatem ac sui successores eundem prescriptum locum Aterahof dictum cum omnibus appendiciis suis tenendi possidendi seu quicquid sibi libeat rnodis omnibus in usum episcopatus inde faciendi Siquis igitur quod absit huius nostre donationis munificentiam destruere siue violare presumet in nouissimo die coram oculis dei inextinguibili tormento luat Quod ne fiat sed hec traditio nostra ab omnibus incorrupta permaneat hanc cartam inde conscriptam manu propria roborantes sigilli nostri inpressione insigniri iussimus Signum Domni Heinrici regis Inuictissimi Eberhardus Cancellarius uice uuilligisi Archicapellani recognoui Data Kalendis Novembris indictione V anno dominice incarnationis MVII Anno uero domni Heinrici secundi regnantis VI actum Frankonofurt feliciter amen