Charter Document - 04210040
| Charter Number: | 04210040 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1007 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et indiuidue trinitatis Heinricus diuina clementia preordinante rex Saluberrimus igitur sacri eloquii institutionibus erudimur et admonemur Ut temporalia relinquentes bona et terrena postponentes commoda eterna et sine fine mansura in celis studeamus adipisci consistoria Quapropter nos dominicis non surdum auditum prebentes preceptis et deificis obtemperando intendentes suasionibus quendam nostre paterne hereditatis locum Babinberc dictum in sedem et culmen episcopatus sublimando proueximus et romana auctoritate atque venerabilis Heinrici vuirciburgensis episcopi consensu ac pari communique omnium nostri fidelium tam archiepiscoporum quam episcoporum abbatumque nec non ducum et comitum consultu decretoque in honorem sante dei Genitricis Marie sanctorumque apostolorum Petri et pauli nec non martirum kyliani atque Georii stabiliuimus et corroborauimus ut et inibi nostrum parentumque nostrorum celebre haberetur memoriale et iugis pro omnibus ortodoxis hostia mactaretur salutaris proinde nouerit omnium nostri fidelium tam presens etas quam et suecessura posteritas quia nos nostre quendam proprietatis locura Matughof dictum in pago Matuggouuue et in comitatu Gebehardi comitis situm ad eandem supradictam episcopalem sedem Babenberc dictam vna cum omnibus eius pertinentiis siue adherentiis videlicet vicis villis ecclesiis seruis et ancillis areis edificiis terris cultis et incultis uiis inuiis exitibus et reditibus quesitis uel inquirendis siluis forestibus saginis venationibus aquis piscationibus molis molendinis rebus mobilibus et inmobilibus ac ceteris omnibus que rite scribi uel appellari possunt quoquolibet modo utilitatibus hac nostre auctoritatis preceptali pagina prout firmius possumus donamus atque proprietamus omnium contradictione remota Precipientes igitur ut in deo dilectus nobis sepe dicte sedis Eberhardus episcopus liberam dehinc habeat potestatem suique successore eundem locum Matughof dictum cum omnibus appenditiis suis tenendi possidendi seu quicquid sibi libeat modis omnibus in usum episcopatus inde faciendi Siquis igitur quod absit huius nostre donationis munificentiam destruere siue uiolare conscriptam manu propria roborantes sigilli nostri inpressione insigniri iussimus Signum Domni Heinrici regis inuictissimi Eberhardus Cancellarius uice uuilligisi archicapellani recognoui Data Kalendis Nouembris indictione V anno dominice incarnationis MVII anno uero domni Heinrici secundi regnantis VI actum Frankonofurt feliciter amen