Charter Document - 04210036

In nomine sancte et indiuidue trinitatis Otto diuina fauente clementia Imperator Augustus Nouerit omnium fidelium nostrorum presentium scilicet et futurorum industria qualiter solidum et immarcescibile bonum nobis fore credimus si de transitoriis diuinitus nobis collati regni commodis et pauperum in calamitatibus et sanctarum Christi ecclesiarum necessitatibus regia munificentia succuramus Quapropter lamentabili miseratione perculsi super infortunio et iactura depredationis rerum ecclesiasticarum episcopii uenerabilis atque nobis dilectissimi Piligrimi pontificis cuius sancte Patauiensis ecclesie urbem et parrochiam exorta regni perturbatione incursu hostili invasam et non solum ab inimicis omnino deuastatam uerum etiam deo propitio de illis nobis uictoriam concedente recidiuo consulentes periculo ciuitatem prefatam condolemus funditus nostra iussione destructam Vnde ergo siquid est quod aut dictante regali districtione uel cogente irrite pacis suspicione lesionem aliquam jam dicta ciuitas nostro molimine pertulit aut parrochia nosmet ipsos a dei omnipotentis sanctorumque reatu et offensa absoluere satagentes tam desiderio remunerationis uite eterne succensi quam etiam carissimi fratruelis nostri Ottonis scilicet ducis Bauvariorum et illustris Livpoldi marchionis interuentu precibusque sollicitati quoddam predium iuris nostri Anesipurch nominatum quod quondam uenerande recordationis Adalbertus sancte Patauiensis ecclesie antistes ex massa sancte Lauriacensis ecclesie patrinionii Heinrico duci pie memorie patruo quoque nostro tradidit in concambium in pago Trungowe in ripa Anesi fluminis in Comitatu Livpoldi eidem sancte Lauriacensi ecclesie que in honore sancti Stephani sanctique Laurentii martyrum foris murum constructa est quam prime sedis antiquitus presulatum fore nouimus id ipsum regali atque imperiali auctoritate reddimus omnique integritate sui in proprium prefatis sanctis perpetualiter tenendum ea tradimus conditione ut a iam dicto Heinrico econtra uicario uilla donata que dicitur Vfhusa nihilominus una in proprium eternaliter permaneat insuper etiam decem regales hobas ab occidentali ripa predicti Anesi fluminis hoc est in uico [fisci] nostri Loracho nuncupato et ubi sancte Lauriacensi ecclesie propinquius mensurari possit prefata quantitas hobarum culte et arabilis terre cum omni iure et lege concediraus hoc est mancipiis cum quibus possesse erant tempore ducatus Heinrici iunioris omnique usu quo illi seruiebant uel que sunt inde oriunda utriusque sexus et ecclesiis decimationibus curtibus siluis pratis pascuis aquis aquarumque decursibus molendinis piscationibus mobilibus et inmobilibus quesitis et inquirendis omniaque pertinentia ad iam dicta donamus et in potestatem sancte Lauriacensis ecclesie perpetuo transfundimus Presertim sicut priscis temporibus sancta Lauriacensis ecclesia que foris murum in honore sancti Stephani sanctique Laurentii martyrum constructa et dedicata est ante discidium et desolationetn regni Bauvariorum mater ecclesia et episcopalis cathedra fuit ita deinceps pristino honore ac dignitate canonica auctoritate perfruatur Quam etiam presenti precepto nostro renouamus atque roboramus et iam sepedicte Sancte Lauriacensi sedi uenerabilem Piligrimum reintronizamus antistitem quatinus amodo tam ipse quam omnes sui Successores Lauriacenses fiant et nominentur pontifices Quicunque autem nostre donationis [et] traditionis paginam mutauerit uel quicquam de prescriptis alienare de [casa] dei presumpserit primum dei omnipotentis sanctorumque martyrum Stephani atque Laurentii iram incurrat et tarnen nihilominus nostre liberalitatis indulta donatio rata et inuiolabilis permaneat Signum domini Ottonis inuictissimi cesaris Gerpertus Cancellarius ad uicem Willigisi archicapellani notaui Data III Nonas Octobris anno domini DCCCCLXXVII indictione VI Regnante piissimo imperatore Augusto Ottone anno XVII actum in ciuitate Ratisbonensi In Christi nomine amen