Charter Document - 04210035
| Charter Number: | 04210035 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0977 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In Nomine sancte et indiuidue Trinitatis Otto diuina fauente clementia imperator augustus Notum sit omnibus sancte Dei ecclesie fidelibus nostrisque presentibus scilicet et futuris qualiter uenerabilis sancte pataviensis ecclesie antistes piligrimus nostre celsitudinis pietatem querulosa reclamatione adiit pro diocesis sue locis in perturbatione bauuarorum regni tam pernitiosa [sclavorum] inuasione quam aliorum inimicorum damnosa insectatione miserabiliter desolatis quatenus nos ecclesie sue huiusmodi dispendio lese atque adnullate aliquod leuamen imperiali nostra munificentia impendere curaremus Cuius itaque miserandis moti querelis precipue quia et nos barro echis sue licet necessitate impulsi tum in destructione urbis patauie tum etiam in exercitus nostri morosa sustentatione grauem intulimus iacturam pro diuino timore et eterne retributionis indubia spe ac insuper amantissimi fratruelis nostri Ottonis ducis nec non spectabilis liutbaldi marchionis petitionibus inducti quoddam nostre potestatis predium Anesapurch nuncupatum in pago trungouue in ripa anesi fluminis in comitatu liutbaldi cum omnibus suis pertinentiis sicut pie recordationis noster patruus Heinricus et beate memorie episcopo Adalberto in concambium recepit Sancte Lauriacensi ecclesie que in honore sancti Stephani sanctique laurentii martyrum foris murum edificata est ubi antiquis etiam temporibus prima sedes episcopalis habebatur imperiali auctoritate in proprium tradimus atque concedimus Quin etiam decem regales hobas ab occidentali ripa predicti fluminis Anesi in quadam nostri juris uilla nomine Loracho cum mancipiis utriusque sexus quibus erant possesse et cum omni integritate exitibus quippe reditibus ecclesiis decimationibus curtibus siluis pratis pascuis aquis aquarumque decursibus molendinis piscationibus mobilibus et inmobilibus quesitis et inquirendis in jus sancte patauiensis ecclesie absque omnium contradictione firmiter tenendum ac possidendum regia atque imperiali majestate transfundimus atque donamus Et ut hec nostre liberalitatis traditio firma et inconuulsa permaneat hanc cartam conscribi et anuli nostri impressione jussimus insigniri Signum Domni Ottonis inuictissimi imperatoris Gerbertus Cancellarius ad uicem uilligisi archicappellani notaui Data III Non octobris Anno dominice Incarnat DCCCCLXXVII Indict VI Regnante piissimo imperatore augusto Ottone anno XVII Imperii autem X Actum Eidrateshusa in christi nomine feliciter amen