Charter Document - 04210033

Dilectissimis nobis in Christo filijs Hrodberto sancte Moguntine Ecclesie et Diotrico sancte Treuerensis Ecclesie atque Adalberto sancte Magdeburgensis Ecclesie parique modo Geroni sancte Coloniensis Ecclesie atque Friderico sancte Juuauensis Ecclesie sed et Adalgago sancte Bremensis Ecclesie Archiepiscopis Pariterque Domino Ottoni gloriosissimo Imperatori Augusto atque nepoti suo Henrico precellentissimo Duci Bauariorum Ceterisque omnibus Episcopis et Abbatibus Ducibus atque Comitibus Gallie atque Germanie Benedictus diuina gratia preditus Apostolice sedis Pontifex seruus autem seruorum Dei in Domino salutem Oportet iustis supplicationum petitionibus nos semper faciles et humiles exhibere et precipue cum fraternis religiosorum consacerdotum precibus sollicitamur qui passim ab omni mundi termino tenorem et regulam atque proprij officij vigorem ab hac vniuersali sancta Romana matre Ecclesia eiusque sortiuntur Ministro Vicario scilicet beati Petri Principis Apostolorum cuius quamuis indigni eiusdem tamen gratia et dono potestati successimus et ordini cui voce dominica dicitur Tu es Petrvs et super hanc Petram edificabo Ecclesiam meam Quapropter dignum estimabimus assensum prebere congruis postulationibus Reuerendissimi Archiepiscopi quas per probabiles personas nobis intimauit responsalium suorum duorum presbyterorum quatenus sibi pallium et Metropolitanum honorem Cathedre sue sancte Lauriacensi Ecclesie restitueremus confinio Vngrorum adiacenti quod omnino nos eidem Ecclesie debere testantur antiquissima secum apportata priuilegiorum testimonia In quibus enim continebatur quod etate Pontificatus beati Symachi huius alme sedis apostolici Presulis prefata sancta Lauriacensis habetur Ecclesia Metropolis et in quantum tam exinde quam etiam de passionibus beatorum Martyrum qui illic plures in tempore persecutionis pro fide Christi variis sunt tormentis mulctati colligere possumus ex omnibus Ecclesiarum Dioecesibus Pannonie hec antiquitate et Archiepiscopij dignitate esse primitiua creditur que iam multis retro actis temporibus ex vicinorum frequenti populatione barbarorum deserta et in solitudinem redacta nullum Christiane professionis habitatorem meminit Vsque dum inuictissimus Augustus et pater patrie genitor quippe pii Imperatoris nostri quem adhuc superesse et diu dominari mundus exoptat bellico tropheo eorum vires retundit Nunc autem quamobrem votis exultantibus in laudem omnipotentis Dei erumpimus non solum sepe dicta sancta Lauriacensis Ecclesia hostium cessante terrore cum accolis suis pace et tranquilitate potitur verum etiam ipsi dudum inimici illum quem persecuti sunt more gentili iam iam Christum baptizati profitentur et sacerdotes modo habere desiderant ac prout scire rudes poterunt venerantur et Ecclesias quasdam in sua terra quas patres incendio dederunt posteri restaurare videntur Hac ergo suadente ratione quod prenominati sancte Lauriacensis Ecclesie Archiepiscopi postulatio antiqua Apostolica authoritate commendatur et preterea quod cum istum esset pariter etiam vtile visum est vt ad fructificandas Deo gentes ex nouitiis cultoribus fidei Vngrorum atque Marauorum siue etiam aliis multis prouinciis Schlauorum sue parochie finitimis illic ordinatis Episcopis secundum quod antiquitus dispositi erant eis nunc constitueremus Archiepiscopum Quoniam autem Salisburgensis Ecclesia Metropolis abusa est subiectione sancte Lauriacensis Ecclesie Pontificij obliterata et attenuata sua dignitate ex deuastatione Barbarorum quam propterea perceptis Apostolicis priuilegijs nequaquam patimur priuari cum et priora sint Salzburgensibus et ideo auctoritatiua vel auctorabile ora Que conditio testimonij etiam apud secularia iudicia viget et prevalet Nos vero in huiusmodi constitutionibus omnem calumniam atque contentionis occasionem Domino adiuuante facile propulsamus ambabus parochijs ab inuicem certis limitibus sequestratis et tamen Apostolicis sanctionibus vbique stabilitis quas nostrum est semper defendere et secundum Euangelicam sententiam nihil ex eis soluere sed adimplere Vnde ergo auctoritate et potestate beati Petri Principis Apostolorum atque exemplo beatorum Pontificum scilicet predecessorum nostrorum eandem sanctam Lauriacensem Ecclesiam eiusque rectores iam Archiepiscopos ammodo perpetuum ab omni Salisburgensis Ecclesie eiusque Presulum subiectione ac ditione absoluimus et honore Metropolitano sublimamus et sicut modernis temporibus sancte memorie Agapitvs Papa terminos earundem parochiarum ab inuicem distinxit sic et ipsi diffinimus ita quoque vt sancta Salzburgensis Ecclesia superioris Pannonie Episcopos habeat suffraganeos quibus ysque huc sui Pontifices preesse videbantur cum tanta talique dioecesi quali hactenus in inferiori vsi sunt Pannonia Sancta autem Lauriacensis Ecclesia in inferioris Pannonie atque Mesie regiones quarum prouincie sunt Auaria atque Marauia in quibus septem Episcoporum parochie antiquis temporibus continebantur suique antistites Archiepiscopalem deinceps habeant potestatem cum tanta talique dioecesi quali hactenus in superiori vsi sunt Pannonia Quibus vtique iam preceptis insuper iniungimus vt iuxta beati Gregorij decretum Anglorum Archiepiscopis directum alter illorum qui prior sit in ordinatione tempore et quoad viuat prioratum teneat in ordine Penitus enim determinatis vtriusque Ecclesie dioecesibus omnique exclusa altercandi occasione canonica sub districtione interdicimus vt neuter earundem Ecclesiarum Archiepiscopus inuadere alterius parochiam presumat vel quibuscunque jurgiis aut disceptationibus super diffinitis a nobis modo rebus alter alterum sollicitare audeat His igitur sedatis venerabilem confratrem nostrum Pilgrinum Archiepiscopum canonicis literis munitum sedi sancte Laureacensis Ecclesie sue intronizauimus palliumque ei secundum antiquum eiusdem Ecclesie vsum direximus atque in prouinciis Auarie et Marauie regionum quoque inferioris Pannonie siue Mesie et in contiguis sibi Schlauorum nationibus circumquaque manentium nostram Apostolicam authoritatem et vicem exercere committimus atque delegamus quatenus illic more antecessorum suorum sancte Laureacensis Ecclesie Archiepiscoporum habeat potestatem Presbyteros et Episcopos ordinare atque constituere et ex predictis gentibus sua sancta predicatione parare Domino plebem perfectam