Charter Document - 04210031

In nomine sancte et individue Trinitatis Otto divina annuente clemencia rex Nos itaque de statu regni nostri regali more ut iusticie solidamentum augeretur tractantes loca sacra nostris eciam privilegiis corroborari decrevimus Quapropter noverit omnium fidelium presenciurn scilicet et futurorum industria quod venerabilis Juvavensis ecclesie Archiepiscopus Heroldus nostram adiit regalitatem postulans ut nostre auctoritatis precepto confirmaremus quedam loca hiis denotata nominibus Wincheringa Antesina Wolinpach cum adiacenciis omnibus et appendiciis hoc est pars calcis et aliis servis mansis et silyis pratis pascuis aquis aquarumque decursibus ac molendinis quesitis et inquirendis sibi etiam a religioso Papa romane sedis Agapito propria aliter tradita in hec scilicet verba ut singulis quibusque in annis tres libras argenti ad altare sancti Petri apostolorum principis rome principaliter constructum detulisset aut transmisisset Et si hoc forte per negligenciam quadam intestante necessitate aliquo in anno subtraheretur in sequenti impleretur si vero in tercio aut in quarto subtractum fuisset ad prioris dominii statum iam dicta reverterentur loca Nos autem assecuti eius peticionem hoc presens iussimus conscribi preceptum manu nostra firmavimus et anuli nostri impressione munitum ne quis succedencium regum vel comitum ullam haberet potestatem suprascriptis in prediis sibi habendi vel in beneficium dandi sed sub venerabilis archiepiscopi iam dicti eiusque successorum potestate iuxta id quod supra scriptum est perpetualiter permanere Signum domni invictissimi Ottonis Regis Data III Kalend Decembris anno incarnacionis domini DCCCCLIII Indict VII regnante pio rege Ottone anno XVIII Actum Ufhusa in dei nomine feliciter Amen Liutulfus cancellarius ad vicem antedicti episcopi recognovi et subscripsi