Charter Document - 04210023

Charter Document - 04210023


Charter Number: 04210023
Cartulary Title: Oberösterreichisches Urkundenbuch, weltlicher Teil (540 - 1399 [1350])
Charter Language: Latin
Charter Origin: Royal
Charter Type(s): Grant
Date: 0904
Date type: Internal, A.D., Regnal
Resource Link(s): Monasterium.net

Charter:

In nomine sancte et indiuidue Trinitatis Hludouuicus Diuina fauente gratia rex Si locis diuino cultui mancipatis largitatis nostre beneficentiam exhibuerimus Et oportuna terreni commodi eis impenderimus suffragia Non solum ad regni diuinitus nobis collati stabilitatem roborandam verum etiam et eterne uite felicitatem promerendam Id nobis liquido credimus profuturum Ideoque omnibus sancte dei ecclesie fidelibus presentibus scilicet et futuris notum sit quoniam Tuto reuerendus sancte radesponensis ecclesie presul per interuentum Pabonis et meginuuardi comitum fideliumque ministerialium nostrorum nostram precatus est clementiam vt quandam uillulam rebus ecclesie sue contiguam et oportunam in australi scilicet eni fluminis litore prope hostium aque que dicitur marchluppa constitutam ad portum Malluhhinga nuncupatum hoc est In matahgouue Comitatu Isangrimi Que [etiam] ad curtem muninga dictam beneficium uidelicet Cundboldi comitis hactenus pertinuit ad sanctum emmerammum donaremus Statimque nos libenti animo congrue illius intercessioni annuentes consentiente cundboldo eiusdem beneficii possessore pariterque cum Iringo comite atque Engilherto consilium dante pro beati patris nostri arnolfi imperatoris anime remedio Nostreque mercedis incremento Prefatam uillulam in ripa [] dictum eni sitam Cum omni integritate sua ad cuiuscumque regalis ministri quicquam Inde ministerium pertineret ad Christi martyrem emmerammum cuius sacratissimum corpus extra moenia radesponensis ciuitatis in propria uenerabiliter humatum est ecclesia jure perenni delegauimus in proprium Cum curtilibus et edificiis Mansis in ipsa uillula habitantibus et mancipiis utriusque sexus censibus Campis agris pratis pascuis siluis portu et portatico Aquis aquarumque decursibus Molinis Piscationibus viis et inuiis exitibus et reditibus quesitis et inquirendis Terris cultis et incultis universisque appenditiis et adjacentiis suis Jussimus quidem hoc presens preceptum nostrum inde conscribi per quod uolumus et auctoritate nostra firmiter precipimus ut ipsa concessionis nostre uillula Nunc et deinceps tempore perpetuo Jure firmissimo sine ullius contradictione persone integriter ad memoratum dei electum pertineat et inrefragabiliter consistat Eo tenore vt iam fatus honorabilis episcopus eiusque successores ex eadem uillula sicut de ceteris ipsius pii patroni rebus in eternum habeant potestatem quicquid uoluerint faciendi Et ut hec auctoritas nostra inuiolabilem Christo propitio perenniter obtineat firmitudinem Manu nostra eam roborantes Anulo nostro Jussimus sigillari Signum domni Hludouuici gloriosi regis Engilpero notarius ad uicem Diotmari recognofecit et ss Data III Martii Anno Incarnationis domini DCCCCIIII Indictione VII Anno uero regni iij regis Hludouuici V Actum ciuitate regina in dei nomine feliciter Amen