Charter Document - 04210017

In nomine sancte et indiuidue Trinitatis Arnolfus diuina fauente gratia Imperator augustus Si de rebus terrenis a deo omnipotente iure nobis collatis in dei et nostro seruicio laborantibus oportuna loca concesserimus procul dubio et eterne retributionis premia inde a deo nobis uenire liquido credimus et eos omnino deuotiores esse manifestissime credimus Quapropter omnium sancte dei ecclesie fidelium nostrorumque tam presentium scilicet quam et futurorum cognoscat industria quia nos per interuentum uenerabilis ac dilecti episcopi nostri Engilmari cuidam clerico nostro nomine Nithard ob bone fidelitatis et seruitutis sue mercedem quasdam res ad Abbatiam inferioris Monasterii pertinentes cum consensu et uoluntate dilecte coniugis nostre Ode in proprium concessimus hoc est in Comitatu Liupoldi Comitis nostri in loco Hartchirihha nuncupato ut ipse de iam dicta coniuge nostra ibi eatenus in beneficium habere dinoscitur ecclesiis cum decima curtilibus edificiis mansis ac mancipiis utriusque Sexus terris agris cultis uel incultis campis pratis pascuis siluis uiis et inuiis aquis aquarumque decursibus molendinis exitibus ac reditibus quesitis uel inquisitis totum quicquid ad ipsum beneficium pertinere uidetur cum omni usu fructuario iam dicto Nithardo in proprium concessimus omnibus diebus uite sue habendum et ut post eius discessum cum omni integritate iterum redeat ad iam dictam dei casam Et ut hec largitionis nostre auctoritas firmior habeatur et per futura tempora a cunctis fidelibus nostris uerius credatur ac diligentius obseruetur manu propria subtus eam firmauimus et anulo nostro Sigillari iussimus Signum domini Arnolfi Serenissimi Imperatoris Augusti Actum Ratisbone In dei nomine feliciter Amen