Charter Document - 04210014

In nomine sancte et indiuidue trinitatis Karolus diuina fauente clementia Imperator augustus Si ergo locis diuinis cultibus mancipatis aliquid [emolumenti] contulerimus presentis uite prosperitatem a deo nobis donari credimus et eterne uite beatitudinem consequi non dubitamus Quapropter comperiat omnivm fidelivm nostrorum presentium scilicet ac futurorum industria qualiter nos ob amorem dei ac pro remedio animarum parentum nostrorum genitoris et genitricis nostre fratrum sororumque nostrarum ac pro nostra et coniugis nostre eterna remuneratione nonas de curtibus nostris subter nominatis omnium rerum nostrarum ad capellam que sita est in uilla que dicitur Otinga perdonauimus id est de Vueles de Atarnhova de Matachove de Rantesdorf de Muninga de Svuindilenbach de Otingen de Ostermundingen de Salhburchhoue de Salina de Atilla de Osternhoua de Dingoluingan de Livchingan de Incingan de Peringan de Chieminchhoue de Ueldan de Helfendorf et nonam partem mute ad Rantesdorf et Tabersheim Ideoque hos nostre auctoritatis apices inde conscribi mandauimus per quod decernimus atque omnino sancimus ut prefate res ad prefatam cappellam deinceps securiter atque inuiolabiliter permaneant nullo umquam successorum nostrorum eas inde irrumpente Et ut hec largitionis nostre auctoritas firmior habeatur manu propria subter eam firmauimus et anuli nostri inpressione iussimus insigniri Signum Karoli serenissimi imperatoris augusti Amalbertus notarius ad uicem Livtvuardi archicancellarii recognoui Datum VIII Kalendas Septembris Anno incarnationis domini DCCCLXXXV Indictione III anno imperii piissimi imperatoris Karoli in italia V in francia IIII In gallia I Actum ad Vueibelingan in dei nomine feliciter Amen