Charter Document - 04210013

In nomine sancte et indiuidue trinitatis Karolus diuina favente clementia Imperator Augustus si circa seruos dei beneficia largimur oportuna non solum imperialem modum decenter Implemus uerum etiam eterne beatitudinis premium nos promereri Inde liquido credimus Quapropter notum sit omnibus fidelibus sancte dei ecclesie nostrisque scilicet presentibus et futuris quoniam quidam uir uenerabilis et religiosus abba noster nomine Hitto tradidit simul cum aduocato suo otilone ad sanctum michahelem sanctumque dei martyrem emmerammum proprietatem suam quam habuit in oriente iuxta fluuium qui uocatur raba Id est hobas XXX in manum ambriconis uenerabilis epicopi et aduocati eius gundperti Econtra uero prefatus uenerabilis episcopus manibus aduocatorum suorum una cum consensu totius cleri sibi subiecti tradidit ei in proprietatem possidendam usque in finem uite sue de rebus Sancti emmerammi abbatiam que nuncupatur laculunensem cum omnibus adiacentiis suis id est cum ecclesiis quam ceteris edificiis mancipiis utriusque sexus terris cultis et incultis pratis pascuis siluis aquis aquarumue decursibus mobilibus et immobilibus seu quicquid ad hec iuste et legitime pertinere uidebantur Sed ob firmitatis graciam idem hitto religiosus abba nostram deprecatus est celsitudinem ut preceptum liberalitatis nostre super hoc adderemus Nos autem libentissime petitionibus illius satisfacientes iubemus atque decernimus ut ab hodierno die et deinceps iam dictam abbatiam cum locis ibi pertinentibus usque ad finem uite sue habeat teneat atque possideat Eo etiam tenore ut post obitum suum prefate res In omnibus salue ad sanctum emmerammum reuertantur nullo umquam hanc conuenientiam irrumpente uel inquietante sed deo auxiliante perpetuis temporibus firma et inuiolabilis permaneat Et ut hec auctoritas preceptionis nostre firmior habeatur et per futura tempora uerius credatur ac diligentius conseruetur manu propria nostra subter eam confirmauimus et bulle nostre impressione sigillari iussimus Signum Domni Arnolfi Serenissimi regis Signum domni Karoli serenissimi Imperatoris Augusti Uualdo Cancellarius ad uicem Liutuuardi archicancellarii recognoui et ss Data non aprl Anno incarn domini dccc LXXX III Indict I Anno uero imperii piissimi imperatoris Karoli III Actum regenesburg In dei nomine feliciter Amen