Charter Document - 04210010
| Charter Number: | 04210010 |
|---|---|
| Cartulary Title: | Oberösterreichisches Urkundenbuch, weltlicher Teil (540 - 1399 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0876 |
| Date type: | Internal, Calendar, Regnal |
| Resource Link(s): |
Monasterium.net |
Charter:
In nomine sancte et indiuidue Trinitatis Karlomannus diuina fauente gratia Rex si pro dei nutu uel pro mercede eterne retributionis fidelibus quibuscumque quasdam res iuris ac proprietatis nostre concedimus non solum munificentiam ac largitionem regum imitari uerum etiam eterne retributionis premia nos promereri confidimus Id circo nouerit industria omnium fidelium nostrorum presentium scilicet et futurorum quoniam amore diuino conpuncti cuidam fideli prespitero nostro nomine uuerrinolfo quasdam res nostras in proprietatem tradidimus id est hobas quattuor in pago qui dicitur Trungaui in comitatu arbonis in loco qui dicitur uualahofeld cum terris agris cultis et incultis pratis pascuis siluis uiis et inuiis aquis aquarumque decursibus mobilibus et inmobilibus cunctisque adiacentiis quesitis et inquesitis quatinus ea perpetuis temporibus nullo inquietante teneat atque possideat Hanc etiam nostre traditionis largitionem per presentem auctoritatem nostram confirmauimus atque nostris et futuris temporibus firmiter ac innuiolabiliter mansuram esse uolumus Et ut hec auctoritas donationis nostre firmior habeatur et per futura tempora uerius credatur et diligentius conseruetur manu propria nostra subter eam confirmauimus et anuli nostri inpressione iussimus sigillari Signum Domni Karlomanni serenissimi regis Madaluuinus notarius ad uicem baldonis cancellarii recognoui et ss Data III non Nou anno Christo propitio I regni domni Karlomanni serenissimi regis bauuariorum Actum reganesburc ciuitate regia indictione VIIII in dei nomine feliciter Amen