Charter Document - 04210009

Charter Document - 04210009


Charter Number: 04210009
Cartulary Title: Oberösterreichisches Urkundenbuch, weltlicher Teil (540 - 1399 [1350])
Charter Language: Latin
Charter Origin: Royal
Charter Type(s): Confirmation
Date: 0853 - 0854
Date type: Internal, Calendar, Regnal
Resource Link(s): Monasterium.net

Charter:

In nomine sancte et indiuidue trinitatis Hludouuicus diuina fauente gratia rex Si petitionibus seruorum Dei iustas et rationabiles ad effectum usque perducimus non solum regium morem decenter implemus uerum etiam hoc nobis procul dubio ad eterne remunerationis premia capessenda liquido credimus Quapropter conperiat omnium fidelium sancte dei ecclesie nostrorumque presentium scilicet et futurorum Industria qualiter uir uenerabilis Erchamfridus reganesburgensis ecclesie episcopus obtulit obtutibus nostris quandam traditionem quod Wilihelmus comes ob dei amorem et anime sue remedium ad monasterium sancti hemmerammi tradiderat omnem pro pietatem suam quod ille habere uidebatur infra duo flumina Id est inter agastam Et nardinam a locis uidelieet ubi ipsa in danubium fluunt usque ad loca ubi de uenis in amnes deriuantur et ita usque in nortuualt In hanc partem silue sine termini conclusione cum domibus et edificiis reliquis et mancipiis atque manentibus pratis pascuis siluis aquis aquarumue decursibus mobilibus et immobilibus cultis uel incultis quicquid habuit Etiam et res illas quas engilrade conjugi sue ad dies uite sue habere concesserat et post obitum illius ad eandem traditionem sancti hemmerammi constaret Insuper et quicquid ad rosdorf habere uidebatur omnia et ex omnibus rebus ex illa parte danubii quicquid sibi pertinebant in mancipiis et edificiis ac uineis cultis uel incultis totum et integrum ad iam sanctum locum tradidit atque pleniter delegauit sed pro integra firmitate ac securitatis studio memoratus Erchamfridus episcopus atque familiaris noster petiit celsitudinem nostram ut eandem traditionem per nostrum mansuetudinis preceptum confirmare deberemus Cuius petitioni denegare noluimus sed sicut unicuique fidelium nostrorum iuste petentium ita nos illi concessisse atque in omnibus confirmasse omnium fidelium nostrorum cognoscat magnitudo Proptera hos apices serenitatis nostre circa ipsum monasterium fieri decreuimus per quos precipimus atque iubemus ut omnes res quas predictus comes Wilihelmus tradiderat atque consignaverat per hanc nostram auctoritatem ad iam dictum sanctum locum in perpetuum consistant Etiam statuentes seu firmiter jubemus ut omnes homines qui super easdem res commanere noscuntur et ad prefatum monasterium pertinere uidentur tam baioari quamque sclaui liberi et serui et inantea constituere domino donante potuerint Nullus Judex publicus neque ulla potestas eos in quoquam constringere audeat Sed neque illorum Causam abstrahere presumat nec In aliam partem ire conpellat Sed liceat [rectoribus] et ministris et aduocatis eiusdem sedis res superius nominatas legaliter possidere ac regere et omni tempore sub nostra defensione atque inmunitatis tuitione plenius consistere Si uero aliquis fuerit qui contra istis hominibus superius conscriptis aliquas iusticias requirere aut exactare uoluerit Tunc aduocati et ministri ipsius monasterii illud prout iustum est diligenter rei ueritatem inquirere studeant et emendant Similiter quoque precipimus atque omnimodis jubemus ut nullus Judex publicus neque ex judiciaria potestate super rebus que pertinent ad erlafa Et in herilungeuelde nec non et ad sirnicha Et circa agasta seu bernsnicha atque rostorf uel infra predicta terminia et marka ubi res sancti petri et sancti hemmerammi noscuntur pertinere neque super hominibus liberis uel sclauis ullara potestatem habeat In quoquam illos distringendos Sed neque ad placitum ullum uel in hostem ullo umquam tempore ire compellat Quamdiu aduocati eiusdem sedis justitiam facere uoluerint sed sicut diximus eum omni integritate prenominatas res in futurum sub nostra defensione et immunitatis tuitione absque alicuius contrarietate aut inpedimento consistant Et ut hec auctoritas concessionis atque confirmationis nostre firmior habeatur et per futura tempora a cunctis fidelibus sancte dei ecclesie nostrisque presentibus et futuris uerius credatur atque diligentius conseruetur manu propria nostra subter eam firmauimus Et anuli nostri Inpressione adsignari jussimus [] Signum Domni Hludouuici gloriosissimi regis Comeatus Notarius ad Uicem Radleici recognoui et ss [] Data XV Kl Februarias anno Christo propitio XX regni domni hludouuici serenissimi regis In orientali francia Indictione prima Actum reganesburg ciuitate In dei nomine feliciter amen