Charter Document - 04210006

In Nomine Domini Dei et Saluatoris nostri Jesu Christi Hludouicus diuina ordiuante prouidentia Imperator Augustus Si petitionibus fidelium nostrorum justa petentium aurem serenitatis nostre ubenter accommodamus et regium morem exercemus eosque procul dubio deuotiores in nostro habebimus obsequio Quapropter comperiat omnium fidelium nostrorum presentium scilicet et futurorum industria quia nos petenti cuidam Vasallo fideli et familiari nostro Patagero concessimus ad proprium quandam Yillam juris nostri prope fluuium Enisa in comitatu Ketoldi comitis que dicitur Granesdorf que est sita in parte Sclauanorum cum omnibus appenditiis suis et de nostro jure in jus et dominationem prefati viri semper ad habendum contulimus Hanc Itaque Villam cum toto edificio domibus mancipiis terris cultis et incultis pratis pascuis syluis aquis aquarumue decursibus molendinis adiacentiis peruiis exitibus et regresibus mobile et immobile quesitum et ad inquirendum totum et ad integrum quantumcunque ad predictam Villam pertinere videtur cum omni integritate eidem a presenti die concedimus homini et de jure nostro in jus et potestatem eius liberalitatis nostre conferimus gratia Ita videlicet ut quicquid ab hodierno die et tempore ipse et successores eius de predictis rebus et mancipiis vel de his que ad eas pertinent jure potestatiuo facere vel judicare voluerint per hanc nostre auctoritatis largitionem libero in Dei nomine perfruantur arbitrio faciendi quicquid elegerint Et [ut] hec auctoritas largitionis nostre per curricula annorum Deo protegente inuiolabilem atque inconuulsam obtineat firmitatem manu propria subter firmauimus et anuli nostri impressione signari jussimus Signum hludouici serenissimi imperatoris Durandus diaconus ad uicem helisachar recognoui Data XII Kl Jan Anno Christo propitio XXI imperii Domini hludouici piissimi augusti indictione III Actum in loco aquisgrani palacii in Dei nomine feliciter Amen