Charter Document - 04210003

In nomine Domini Dei et Saluatoris nostri Jesu Christi Hludowicus diuina ordinante prouidentia Imperator Augustus Nullum fidelium nostrorum industria ambigere credimus qualiter pius Dominus et genitor noster Carolus pie memorie prestantissimus Imperator regnum Hunnorum subjugaverit et homines terre illius cultui diuino mancipaverit in tantum ut etiam plurima loca Ecclesie Pataviensis et Presulibus ejus delegaverit sed partim ignavia cujusdam hujus sedis Pontificis partim cupiditate comitum ejusdem provincie quedam loca exinde contradicta sunt Item Treismam Wachowam Pelagum Nardinum Reoda Aspach Wolffeswanch Erlawam et in Artagrum Basilicas duas et in Saxinum Basilicas duas Sed postquam venerabilis vir Ragenarius huic sancte sedi Episcopus subrogatus esset que sunt predicta loca Godofredo comiti qui ea injuste contradicebat et per veracissimam atque justissimam inquisitionem repertum est loca superius nominata insuper et Domnus et genitor noster eidem contulerat sedi cellulam S Floriani cum Linzea Et ut jam dicta loca liberius et firmius Pontifices prefate sedis in postmodum tenerent memoratus Episcopus nostram imploravit clementiam ut super hoc negotio firmitatis causa nostram mereretur habere firmitatem quod ita et nos fecisse omnium fidelium nostrorum industria cognoscat Precipientes ergo jubemus ut quemadmodum constat predicta loca a domno et genitore nostro prefate sedi collata esse et a predicto Episeopo ad partem Ecclesie preterea legibus acquisisse ita deinceps per hanc nostram auctoritatem Rectores prefate Ecclesie teneant atque possideant vel quidquid exinde jure Ecclesiastico ordine facere voluerint libero in omnibus potiantur arbitrio faciendi quidquid elegerint Et ut hec confirmatio nostris futurisque temporibus firmior habeatur et per futura tempora melius conservetur [] Data IIII Kalend Julii anno Christo propitio X Hludowici serenissimi Augusti Indict I Actum Franconofurt Palatio in dei nomine feliciter Amen Simeon Diaconus ad vicem Fridugisi abbatis recognovi et subscripsi