Charter Document - 04210002

In nomine domini dei et saluatoris nostri Jhesu Christi Hludouuicus diuina ordinante prouidentia Imperator augustus Nullum fidelium nostrorum ambigere credimus qualiter domnus et genitor noster beate memorie piissimus imperator Karolus regnum hunorum sue ditioni non sine magno preliorum Iabore subiugauerit et homines terre illius cultui Christiane religionis mancipauerit In tantum vt etiam in eadem prouincia multas ecclesias ob dei reuerentiam et renouari et a fundamentis construi faceret Tum dei iussu super deuastatione et inopia patauiensis episcopatus misericordia motus plus celeste quam terrenum lucrum desiderans quedam loca ad eandem ecclesiam saneti Stephani promartyris Christi In qua sanctus valentinus corporaliter requiescit vbi tunc Vualdaricus venerabilis episcopus preerat tradidit hoc est in prouincia auarorum quendam locum qui vocatur litaha et in terra honorum Zeizzinmurum Treismam Vuachouuam Pelagum Nardinum Reode Asbahc Vuoluesvuanc Erlafam et in artagrum basilicas duas et in saxina basilicas duas sed postquam domnus et genitor noster pie memorie Karolus imperator defunctus est marchiones eiusdem prouincie de episcopatu eadem loca alienare et eorum potestati subdere Conati sunt Cum autem Reginharius episcopus effectus est deuitans discordiam et litem Gotafredum marchionem et iudices illius prouincie in presentiam nostram fecit venire Nos vero iusta lege et iudicio totius populi iuxta traditionem predicti Imperatoris loca superius nominata ad predictam sedem pertinere debere decreuimus Tunc memoratus episcopus nostram implorauit clementiam Vt aliquam future securitatis a nobis acciperet firmitatem quo iam dicta loca liberius firmiusque pontifices eiusdem sedis tenerent quod ita et nos fecisse omnium fidelium nostrorum cognoscat industria Proinde ergo nostra imperiali auctoritate iubemus vt predicta loca id est litaha iuxta fontem qui vocatur sconibrunno cum omni integritate sicut Theodericus habuit in sua potestate et Zeizinmurus cum tali marcha vt genitor noster Karolus decreuit hoc est ab illo castello in orientali plaga usque ad pendenfem lapidem in ora montis Comageni et in australi usque ad chunihohesstetin in occidentali autem usque ad acernos sitos inter tullunam et ipsum Castellum et vltra danubium ad trebinse et exinde ad mochinleo et usque ad ezinburi et Treisma cum omni integritate similiter Vuachouua [] omnia loca que prescripta sunt rectores eiusdem ecclesie cum omnibus ad eadem pertinentibus cultis et incultis agris pratis pascuis siluis aquis aquarumque decursibus piscationibus venationibus molendinis exitibus et reditibus quesitis et inquirendis totum et integrum absque ulla contradictione teneant atque possideant et quicquid illis exinde facere libuerit iure ecclesiastico libero perpetualiter in omnibus potiantur arbitrio et siquis hec infringere temptauerit exinde reddet rationem in diem iudicii et ut hec auctoritas pristine traditionis et nostre confirmationis inconvulsa et inviolabilis permaneat manu propria subter firmauimus et anuli nostri impressione sigillari iussimus Signum hludouuici piissimi Imperatoris Simeon diaconus et cancellarius ad vicem Fridegisi Archicapellani recognoui et subscripsi Data anno dominice incarnationis dcccxxiii indict I iiii Kl ivl Regnante domno hludouuico annos X feliciter Actum Franchonofurt in dei nomine Amen