Charter Document - 04200035

Ich Fridreich von Sigenhaim tuen kund allen den die disen prief hoernt oder lesent daz ich het von dem gotshaus ze Maennse vnd aus seinem vrbar ze Taling bey schempurg ze lehen alle iar sechs hofmutt chorns vnd daz di von mir het ze lehen Wernhart der perchaimer vnd daz abbt Ott ze Maennse di selben mutt von dem perchaimer warf vmb sein pfenning mit meinem guten willen vnd daz ich durch meiner sel willen demselben abbt otten die lehenschaft of gab darumb daz man mein vnd meiner vodern da scholt gedenkchen daz auch dem Gotshaus von meiner affterchunft an dem vor genanten guet icht chriegs werd getan so gib ich ze einem vrchund dar veber dem vor genanten gotshaus meinen brief mit meinem insigel diser brief ist geben ze Maennse do von Christes gepurd sind gewesen Tausent Jar vnd zwaihundert Jar vnd darnach in dem Sechs vnd Newnczigisten Jar