Charter Document - 04200019
| Charter Number: | 04200019 |
|---|---|
| Cartulary Title: | Mondsee, Benediktiner 1104 - 1300 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1262 |
| Date type: | Assigned |
| Resource Link(s): |
Monasterium.net |
Charter:
Ottocarus Dei gratia Bohemie Rex Dux Austrie Styrie et Carinthie Marchio Moravie Dominus Carniole Marchie et Goritie [] universis Judicibus et officialibus qui pro tempore fuerint in Ischelen provincia gratiam suam et omne bonum Cum eterne retributionis intuitu Monasterio in Mense duorum talentorum redditus de nostro predio in Isselen contulerimus de munificentia regia libere possidendos cumque per malitiam Judicum Procuratores ejusdem Monasterii impediantur contra Justitiam in recipiendis reditibus antedictis damus vobis firmius in mandatis nostre gratie sub obtentu ne quis vestrum in antedicta donatione ipsi Monasterio liberaliter per nos facta prefatos procuratores presumat vel audeat aliquatenus impedire sed permittat eosdem recipere seu colligere integraliter redditus memoratos Si quis vero huic mandato nostro presumpserit contraire is se gravem indignationis nostre offensam noverit incursurum Datum Wienne VII Idus Februarii