Charter Document - 04200009
| Charter Number: | 04200009 |
|---|---|
| Cartulary Title: | Mondsee, Benediktiner 1104 - 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1248 |
| Date type: | Internal, A.D., Calendar, Episcopal |
| Resource Link(s): |
Monasterium.net |
Charter:
Albertus miseracione diuina Ratisponensis Episcopus Notum facimus presentium inspectoribus vniuersis quod nos dilectis nobis venerabili abbati et Conuentui in Maennse respicientes ipsorum fidelia obsequia et deuota homines Ecclesie nostre attinentes officio quod wlgariter dicitur Irramprecht quos quandoque Hainricus dictus Ostermannus Curie nostre Camerarius dictorum hominum procurator conmiserat sub nomine cuiusdam census hainrico dicto Rwethas contulimus in perpetuum possidendos et ne id alicui vertatur in dubium presentem literam conscribi fecimus Sigilli nostri Munimine roboratam testes Herwicus Curie nostre notarius Hainricus et dietricus fratres dicti de Awe Otto de otnang Vlricus seruus eiusdem Ruetherus et alij quam plures actum aput Perchirchsgadem Anno domini MCCXLVIII XV kalendas Augusti pontificatus nostri Anno Secundo