Charter Document - 04200001

In nomine sancte et indiuidue trinitatis hainricus diuina fauente clemencia quartus romanorum imperator Augustus Sanctum opus regum et jmperatorum esse nouimus diuinarum testimonio scripturarum eos omnibus jniuriam pacientibus iusticie consolacionem exhibere et loca sanctorum que ab impijs opprimuntur pietatis studio respicere et ea misericorditer de manibus eorum eripere ut ibi deo serviatur cum iocunditate quod opus ob desiderium eterne beatitudinis et nos amplectentes omnibus Christiane fidei cultoribus tam futuris quam presentibus notum fieri volumus qualiter nos propter deum et anime nostre nostrorumque parentum remedium et ob amorem et salutem heinrici regis dilecti filij nostri et ob deuotam peticionem Rudberti venerabilis abbatis eiusdem loci cenobium Mennse constructum in honore sancti Michahelis archangeli respeximus et bona ecclesie que vsui fratrum ibi deo seruiencium diu iniuste subtracta fuerant in presencia archiepiscoporum episcoporum comitum et aliorum multorum nostrorum fidelium eidem loco iuste restituimus et habere perpetuo cum pace concessimus hec sunt nominatim bona decima uidelicet omnium exstirpa torum foresti Wiselburg quod erat in banno et decima stagni eiusdem foresti et quidquid foresti nondum exstirpatum est in omni vtilitate sua et parrochia ad straswalhen quam episcopus Ratisponensis in nostra manu reddidit et silua Buebenwang et vna huba ad tanperkch vt autem hec nostre pietatis et iusticie [concessio] inuiolabilis permaneat hanc cartam inde scribi fecimus eamque manu propria corroboratam inpressione nostri Sigilli insigniri iussimus Signum Domini Heinrici IV Romanorum Imperatoris Invictissimi Erlongus Cancellarius recognovit Data iij Kalendas marcii Anno dominice incarnacionis Millesimo CI jndiccione xii regnante Heinrico iiij Romanorum imperatore augusto Anno iij imperante autem xx Anno ordinacionis heinrici regis incliti filij eius vii Actum est Ratispone in christi nomine feliciter amen