Charter Document - 04170005

Anno ab incarnatione domini nostri Iesu Christi MXLVI indictione nona regnante domina Theodora imperatrice et cathedra ecclesie ciuitatis ladere regente domino Andrea episcopo sub tempore Gorbine prioris et domini Gisi abbatis Facimus recordationem atque commemorationem nos omnes monachi cum ciuibus laderensibus de portiuncula quam omnes cripatores huius ciuitatis dederunt pro salute anime sue in ecclesia beati Crisogoni martiris unam talem partem qualem unusquisque haberet ut si quis contra hec superbia tumidus erectaque ceruice noluerit dare supradictam portiunculam iram dei et ecclesiasticam censuram se nouerit incurrere Nos hec recordamur et testificamus quia quando beatissimus Chrisogonus auxiliante deo reconditus est a nobis atque colocatus in sarcofago nouo supradictus Andreas episcopus fecit amonitionem atque sermonem in plebe ut si quis aliquod beneficium ad promerendum anime sue remedium dare tali patrono et intercessori pro nobis ad deum uoluerit utique cum magna caritate atque alacri corde deberet offerre quia satis uituperabile esse uidetur ille dicebat ut in die tante festiuitatis sueque consecrationis ex hoc quod nobis dominus contulit munusculum aliquod non demus quia quicquid pro amore suo et sancta eius festiuitate quam modo nos in terris ueneramur ei contulerit sciat pro certo quia magnam retributionem apud iustum iudicem promerebit in die iudicii cum sanctis et electis suis in regno celorum Cumque coram omni populo hec amonitio prolata esset episcopus subiunxit et dixit Audite fratres et filii omnia monasteria libera debent habere iura sua et sub nullius dominio uel subietione atque oppressione malorum hominum debet dimittere episcopus qui preest nisi sub ipsis dei seruitio et beati Benedicti regula Cumque intenti essent omnes ad huius amonitionis uerba episcopus iterum dixit uos a majore usque ad minorem scitis quia sanctus Crisogonus afuit unum beneficium ab antecessoribus nostris in ista ciuitate id est ut omnes scriptores unam partem darent ei qualem haberet unusquisque eorum qui piscarent Propter quod ego pro amore huius consecrationis beati martiris Crisogoni concedo et confirmo coram priore uestro Gorbina et coram uobismet ipsis ut istam partem quam supra diximus sub nostris temporibus in posterum integram dent piscatores atque confertam beati G monasterio eiusque sancte congregationi Unde etiam precipimus ut ipsi qui hoc beneficium dederint si pro aliqua causa se subtrahere uoluerint et non impleuerint uotum quod promissum est non permittantur ab illis qui presunt preuaricari eo qoud ipsi prompte et uoluntarie delegatum esse dinoscitur Et ut apertius uobis insinuem quod homo deo dederit ret rere non debet sancti euangelii textum requiramus ubi Zacheus dixit ad dominum Domine ecce dimidium bonorum meorum do pauperibus et si quid aliquid defraudauero reddo quadruplum Unde et ego quamuis indignus episcopus precepta domini nostri Jesu Christi imitari precipio ut si quis transgressus hoc fuerit componat XII aureos si autem tam fuerit improbus quod stare in hoc contempserit tam diu ab ecclesia separetur quam diu peniteat usque ad satisfactionem congruam