Charter Document - 04170002
| Charter Number: | 04170002 |
|---|---|
| Cartulary Title: | Zbirka najstarijih hrvatskih povelja (999 - 1089) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1076 - 1078 |
| Date type: | Assigned |
| Resource Link(s): |
Monasterium.net |
Charter:
In Christi nomine Ego Suinimir nutu dei Chroatorum et Dalmatinorum rex Nobis diuina clementia concedente in regali solio inuiolabiliter residentibus umidique uterque sexus militum uidelicet utriusque uite laicorum seruorum et ancillarum nostram affluens pro rebus sibi oportunis curiam ac causis sibi necessariis perquirens semper astabat Inter quos quedam sanctimonialium mater Maria uidelicet cenobii sancti Benedicti in sollempnitate consecrationis ecclesie nostri episcopatus sancte Marie uocabulo auxilium immo subsidium memorati cenobii a nobis perquirens ex regali throno cum suis quibusdam sororibus coram nobis astitit Unde consultu omnium seruorum dei et nobilium nostrorum qui gratia dei dicte sollempnitati aduenerant pro pensione et uoluntate prefate abbatissse et quia locus territorii eidem monasterio contiguus uidebatur nostra regali potestate quod Pustiza nominatur perpetuo iure possidendam sibi inuiola[biliter conce]ssimus in Lazani Actum est hoc in uilla regali quo in loco iam dicta ecclesia sancte Ma[rie sita uidetur his] coram testibus Inprimis coram Laurentio venera[bili archiepiscopo Petro Chroatensi episcopo Stephano Iaderensi episcopo Johanne Traguriensi episcopo Johanne sancti Bartholomei abbate Petro Belgradensi abbate Dominico tep]zi Iurrina Tenenstico Uiseno Polstico Isti [ad nostram confirmacionem cum innumerabili multitudine ibidem astan]te sufficiant Iacobum uero ducem Marianorum ex [parte nostra legatum et intr]oductorem abbatisse fieri immemoratis terris permisimus Si quis uero regum uel principum iupanorum parua siue magna persona huic nostre donationi contraire temptauerit trinum et unum deum habeat iratum et CCC decem et octo sanctorum patrum consequatur maledictionem Et molendinum que est uita ipsorum similiter fiat Ego Theodorus presbiter et ecclesie sancti Domnii et eiusdem regis cancellarius scripsi et sum testis ibidem