Charter Document - 04160051
| Charter Number: | 04160051 |
|---|---|
| Cartulary Title: | Gleink, Benediktiner 1088 - 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1277 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Petrus Dei gratia Ecclesie Patauiensis Episcopus Notum facimus vniuersis presentes litteras inspecturis quod commissionem Ecclesie in Hedershofen per dilectum in Christo fratrem Dominum Vlricum de styria Ecclesie nostre Canonicum predicte Ecclesie plebanum dudum factam Domino Conrado quondam Abbati Ecclesie Glunicensis bone memorie de nostro beneplacito et consensu dilecto in Christo fratri Domino Ottoni nunc Abbati eiusdem Ecclesie Glunicensis Suisque Successoribus innouamus et ipsam tenore presentium confirmamus ita vt conditiones et premissa quelibet Domino Vlrico predicto Super huiusmodi prius facta persoluantur statutis temporibus integraliter et seruentur In cuius rei testimonium presentes damus litteras Sigilli nostri robore communitas Datum Wienne Anno Domini Millesimo Ducentesimo septuagesimo septimo Calendas Junij