Charter Document - 04160049
| Charter Number: | 04160049 |
|---|---|
| Cartulary Title: | Gleink, Benediktiner 1088 - 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1277 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Chvnradus dei gratia Abbas et Conuentus Ecclesie Glvnicensis Omnibus presens scriptum intuentibus cupimus fore Notum quod de bona voluntate et pari consilio Wernhardo de Strazze et uxori sue Eufemie filioque ipsorum Wvlfingo omnibus aliis liberis ac heredibvs eorundem exclusis contulimus jure Hominij Novem Domos Decimales in Hedershouensi Parrochia sitas duas super wirtschansperge vnam in Puche vnam super Lerchenperge Item vnam in dem Hage cum aliis quinque super Puchperge vt singulis annis in festo beati Georii nostre Ecclesie Triginta denarios sine omni contradiccione soluant de eisdem Insuper Decimam in Gogelhof cum prato et horto apud fluuium Erle sito quod idem Wernhardus de Strazze ab Ecclesia Glunicense ad dies tantum suos pro censu quinque denariorum tenuit ab antiquo confirmamus etiam vxori sue et filio suo Wolfingo jure Hominij ad censum Octo denariorum cum censu superius notato nobis et Ecclesie nostre soluendorum quos si eodem die non persoluerint semper ad dies quatuordecim supercrescunt Sexaginta denarij pro Emenda In cuius rei testimonium presentem Literam nostri sigilli robore munitam ipsis damus cum testibus subnotatis Poppo de Grvnenburch Gundakerus et Ditmarus fratres de Losenstein Dvringus piber Lvdwicus de Zavcha Fridericus Chresselinch Marquardus Metze Heinricus Spitz Hvgo et Heinricus fratres dicti Ponhalm cum aliis multis Acta sunt hec Anno domini MCCLXXVII Datum in Glunicensi Ecclesia XVI kalendas Marcii