Charter Document - 04160038

Fridericus Dei gratia Sancte Ecclesie Salisburgensis Archiepiscopus Apostolice Sedis legatus Vniuersis Christi fidelibus per Salisburgensem prouinciam constitutis ueram in omnium Saluatore Salutem Ciuitatis noue Jerusalem gloriosa nobis Solemnia memorantes in terris quotiens Domino Sacrati Pontifices ad decorem militantis Ecclesie diuino cultui depulatis Ecclesijs Sacrosanctum munus consecrationis impendunt ad cuius Solemnitatis sancta Mysteria a Christi fidelibus uenienda deuotionem populi nos oportet attrahere et quasi quibusdam muneribus illectiuis conuenit inuitare vt vbi tante festiuitatis memoria colitur illic etiam deuote querentibus pietatis gratia misericorditer non negetur Cum itaque venerabilis Frater noster Abbas Monasterij Glunicensis Patauiensis Dioecesis Basilicam Monasterij sui ad honorem Omnipotentis Dei et gloriose Virginis Matris sue necnon beati Andree Apostoli procurare proponat prout citius poterit consecrari Nos de omnipotentis Dei misericordia et Beatorum Apostolorum Petri et Pauli meritis confidentes omnibus vere penitentibus et confessis qui ad diem dedicationis in monasterio Supradicto habende deuote conuenerint quadraginta dies de iniuncta ipsis penitentia misericorditer relaxamus Ratas habentes nihilominus remissiones et Indulgentias Si quas venerabiles Fratres nostri Episcopi Suffraganei nostre Ecclesie in die dedicationis predicte ac in ipsius dedicationis anniuersario pie concesserint dum tamen statutum a Canone dierum non excedant Datum apud Admont Anno Domini millesimo Ducentesimo septuagesimo tertio Kalendas Augusti