Charter Document - 04160027

In nomine sancte et indiuidue trinitatis patris et filii et spiritus sancti amen Heinricus dei gratia babenbergensis Ecclesie Episcopus vniuersis has litteras inspecturis Sancte uiuere bene mori Nisi prisca venerabilium antecessorum nostrorum preuia rectitudine quasi manuducti ad iusta dirigeremur cito se aliorsum nostra fragilitas obliquaret ad prauitatis ac iniusticie prona proh dolor et procliuis Cvm igitur Monasterium Glvnicense de babenbergensis Ecclesie gremio quasi plantula pullulauerit ex radice scaturigine primitiua fundationis ab ea uidelicet deriuatum reuerendi antistites huius sedis patrvm se uice fvngi debere scientes studiosius prouiderunt vt filia matris vberibus aleretur patrumque solatio non careret Propter quod Monasterium Glunicense tanquam ueram Ecclesie sue propaginem prediorum possessionum libertatum ac multiformium gratiarum largitionibus enutrire fouere et alere studuerunt nimirum paterne cauentes ne ramusculus sine suco radicis aut riuulus sine fontis influxu seu filia sine matris debito enutrimento areret deficeret moreretur Equidem a reverendis scilicet sancto Ottone Primo Et Ottone secundo Et Engelberto presulibus sedis huius Monasterio memorato jn siluis Pascuis Terminis Lacu etiam jn windischgersten cum alpibus et prediis sitis jn hag Et jn wiennerwege et Curia jn chirichdorf cum septem prediis aliisque quam pluribus fauorabiliter est prouisum et jndultum Insuper gratia Generali quod barones et Milites babenbergensis Ecclesie ac alij cuiuscumque Nominis feoda sua que obtinent ab eadem sepedicto Monasterio libere possunt testamentaliter delegare Familia quoque babenbergensis cum familia Glvnicensi coniugia mutua iungere plena libertate permitteretur absque omni preiudicio iuris hereditarij sev patrimonij sibi quomodolibet competentis Et similiter soboles talium Glvnicensi cenobio pertineret integro sibi et saluo quolibet prisco iure Aliasque quam plures libertates donationes jura vtilitates et gratias adiecerunt quas in eorum publicis instrumentis profitemur et recognoscimus prouide declaratas Proinde ne ab eorum pietate atque deuotione simus exteri et extorres vniuersa que sepedicto Glvnicensi Monasterio liberaliter concesserunt Nos quoque fauorabiliter approbamus et confirmamus Tenore presentium perhibentes ne cuilibet hominum ea que scripto presenti nos Glvnicensi Cenobio contulisse consensu legitimo protestamur infringere liceat ullo modo Preterea quandam Curiam jn Schachen quam Duringus Miles dictus Grasgulle deputauit et tradidit per manus nostras Cenobio memorato recognoscimus legitime donationis tytulo fratribus ipsius Monasterij per eundem Duringum fuisse traditam et donatam et huiusmodi delegationem sicut est dignum fauorabiliter amplexamur Nolentes omnino quod aliquis Offitialium uel judicum nostrorum dictum Monasterium debeat aliqualiter in hijs et jn aliis perturbare In cuius collationis nostre euidens testimonium presentem paginam dicto Glunicensi Monasterio dari decreuimus Karactere nostri Sigilli melius roboratam Testes autem sunt hij Ortolfus abbas Gerstensis Gvntherus plebanus de hage Rvdolfus plebanus de hedershoven Heinricus plebanus de Syrniche Albero capellanus Albero de pollnheim Ditricus Ortolfus fratres de volchenstorf Ditmarus de Styria Et filius suus Ditmarus Heinricus et frater suus Otto de Zucha Ditmarus de hagewalde Et filij sui Fridericus Ditmarus Perhtoldus Schekko Heinricus de Tursendorf Richerus de Stadel Chunradus Fridericus fratres de Lanzenperge Fridericus Richerus fratres dicti Zwichel Otto de heimpuche Levtoldus pruschinke Albero Holzman Sifridus Wolfstein Otto Rudigerus fratres de Chlingelbrunne Hartmvot de paka Erchingerus de altenhoven Heidenricus Ditricus de Eigenvlise Otto decimator Sifridus judex de Aneso cum multis aliis Datum apud Monasterium Glvnick Anno ab incarnatione domini MCCLIIXV kalendas Novembris Sub venerabili domino Rudolfo Eiusdem Monasterij abbate Regnante domino Nostro Jesu Christo jn eternum feliciter Amen