Charter Document - 04160018
| Charter Number: | 04160018 |
|---|---|
| Cartulary Title: | Gleink, Benediktiner 1088 - 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1223 |
| Date type: | Internal, A.D. |
| Resource Link(s): |
Monasterium.net |
Charter:
Pilgrimus Dei Gratia Glunicensis Ecclesie Abbas notum facimus vniuersitati fidelium quod nos cum consensu fratrum nostrorum et consilio prudentium virorum concessimus Domine Gertrudi Vxori Henrici Schekhen eiusque duobus filijs Conrado videlicet et Vlrico quandam decimationem predij quod uocatur super aigen et pratum sita prope riuum Erla ad quinque denarios in Altare S Marie annuatim persoluendos Sub tali conditione ut post mortem ipsorum ad Ecclesiam sine contradictione redeat ipsa autem decimatio Ecclesie diu retenta vsui non fuerat si non Domino cooperante eam fratrum vsui remancipauimus quod uero ita [ut] firmum permaneat paginam istam inde conscribi et sigillo nostro fecimus roborari fratrum et testium nominibus subnotatis Nomina fratrum Ekwertus Alramus Conradus Wernherus Livtoldus Vlricus Rudolphus Arnoldus Henricus Rudolphus Constantinus Wilboldus Testes Rupertus Judex Rudolphus Priuhouen Walchundus officialis Hugo der Gerwar Otacherus filius eius Dietricus Chunradus Durinchus die Grossgullen Vlricus fuchs Vlricus de Pache Henricus de Dirnbach [ternperch] Henricus de Have Tymo filius Starchandi Albero Holzman Wolfframus Vlricus Conradus Khuee Berthold Schecke Vlricus der Methe Chunradus Seruus Priuhouen Marquart de Pache Chunradus Faber officialis Chunradus de Hoffstetten Englschalckus et alij quam plures Factum est Anesij in Domo Gebhardi Twechlarij Rudperto Judice et Rudolpho Priuhouen Tunc aduocato adstantibus Anno Incarnationis Christi Millesimo Ducentesimo Vigesimo Tertio indictione Christi et scripta sunt duo paria in quorum medio maiores littere expresse inueniuntur