Charter Document - 04160008

In nomine sancte et individue trinitatis patris et filii et spiritus sancti amen Otto secundus diuina fauente clementia babenbergensis episcopus Omnibus christi fidelibus tam futuris quam presentibus salutem inperpetuum Quia ratio officij nostri hoc expostulat ut sacris ecclesiis ob honorem dei omnipotentis in omnibus debeamus fideliter prodesse Sed specialiter tamen hiis que ad manum nostram pertinent Hoc pio affectu considerantes notificamus cunctis christi fidelibus qualem beniuolentie et gratie sollicitudinem circa Monasterium Glvnicense fecerimus Siquidem venientes in partes illas a fratribus eiusdem Monasterij sumus benigne suscepti et humane tractati quorum fideli deuotione incitati privilegia ipsius Monasterij nobis monstrare iussimus legimus et relegimus omniaque ivra libertates gratias et utilitates quas sanctus Otto episcopus jn initio fundationis ipsius Monasterij ac alij antecessores nostri ipsi Ecclesie donauerant sicut etiam in eorum privilegiis inuenimus nos respectu eternorum premiorum cum consilio Canonicorum nostrorum ac Ministerialium ecclesie nostre quasdam eis augmentando meliorauimus et auctoritate nostra firmiter duximus roborandas videlicet quod omnes possessiones et alia que Monasterium Glvnicense a nostra Ecclesia possidet uel perpetuo habere poterit sub defensione principis Stirie consistant Ipse uero dictus princeps Stirie propter deum fideliter defendat ac protegat ipsam Ecclesiam sine omni conmodo temporali Item familia Glvnicensis cum familia babenbergensi sine ullo ivris sui dispendio matrimonia libere contrahat totaque filiorum ac filiarum successio ad Glunich pertineat Item ligna quibuslibet usibus necessaria in hagwalde et in pirno monte nominatim expressa et in omnibus nostris forestis et siluis dum tamen non dent aliis neque uendant dictum Monasterivm Glvnicense et omnes in sua possessione existentes desecandi et auferendi pro suis presertim vtilitatibus liberam habeant potestatem Item in omnibus locis et alpibus nostris suos greges pascendi liberam habeant facultatem Item omnibus Militibus et Ministerialibus Ecclesie nostre seu aliis cuiuscunque nominis beneficia a nobis in pheodo uel sub ivre hominij habentibus licentiam et liberam potestatem contulimus iam dicto Monasterio Glvnicensi fratribusque ibidem deo seruientibus potestatiue conferre possessiones predia beneficia decimas et mancipia sua sev quelibet dona tam in Siluis quam in agris cum omnibus vsu fructuariis quesitis scilicet ac inquirendis Ut autem idem Monasterivm in tantum proficiat quod etiam ab ipsius abbatibus et fratribus indempnis permaneat volumus et Statuimus firmiter obseruandum quod nullus abbas et conuentus ipsius Ecclesie vendat vel ad aliud alienationis genus pertrahat quicquid in possessionibus et jvribus inuentum fuerit Monasterij prelibati nisi consensus Ecclesie accesserit babenbergensis et principis Stirie Preterea possessiones quas in pirno monte eidem Monasterio antea dederamus ipsis fratribus iterato confirmamus videlicet Siluam quandam totam que aowa Casearia ab incolis nuncupatur Terminis istis veris et legitimis jn presentia nostra et Optimatum nostrorum evidenter expressis Scilicet a monte Wuruchkogel in vno latere montis ipsius directim per uallem usque ad montem Langwat secundum descensum pluuialis aque per totam augyam usque in Tyecha Et a monte Langwat secundum descensum Riui et vallis ipsius montis usque in Tyecha descendentia Et a fluuio Tyecha usque ad Sebach Et per riuum Sebach sursum usque ad Stagnum Et ipsum Stagnum totum de quo nomen sumpsit de Sebach Et a Stagno sursum vsque ad Lacum Lawoen Et a Lacu Lawoen usque per fontem Et a fonte per rupes que dicitur Torstaein Et Torstaein sursum usque ad Willdense Et a Willdense usque in pirnse deorsum Et a pirnse secundum descensum Rivi Tyecha directim per totum montem Swoerzenberch jnfra et supra culta et inculta cum alpibus usque in Sebach Insuper alterum montem Gvolch et salinam que in ipso est Et omnia hinc et inde ex latere montis vndique iacentia Et supra ipsum montem Gvolch silvam totam cum omni vtilitate que ibi nunc est aut perpetuo fieri poterit Sed et eo die dicto Monasterio contulimus trans flumen Tampach in villa Gaersten mansum Gozilai venatoris an der Wure cum proximo pheodo sibi adiacenti Item volumus et firmiter Statuimus obseruandum vt nullus iudicum Siue officialivm ecclesie nostre aliquam exactionem potestatiuam sev jurisdictionem in quibuscunque memorati Monasterij prediis possessionibus hominibus aliqualiter exercere debeat Et ne ista tradicionis nostre pia actio vmquam ab aliquo successorum nostrorum sev hominum aliorum infringatur cum banno domini nostri jesu christi omniumque sanctorum nec non et nostro Sub excommunicationis et anathematis vinculo districtius prohibentes ne quisquam deinceps id quod indulsimus sive concessimus Monasterio Glvnicensi infringere uel cassare aliqualiter audeat uel presumat Hocque quod fecimus sollempniter nostro sigillo profitemur Huius rei testes sunt Diedpoldus venerabilis pataviensis ecclesie Episcopus Albero decanus Jacobus archypresbiter Adelbertus archypresbiter Canonici ecclesie pataviensis Haeinricus maior prepositus ecclesie babenbergensis Pvrchardus decanus Tiemo prepositus Sancti Stephani Vlricus archidyaconus Eberhardus Cantor Chunradus Custos Canonici ecclesie babenbergensis Perchdoldus dilectus consanguineus noster dvx Meranie Leutoldus de Wallerstaeine Vlricus de Wiltberch Amelbreht de Lochvosin Ortolfus de Tollet Pillunch de Kyrchaeime Ekkart de Limeze Laentfrit de Eppenstaeine Alramus de Kambe Arnoldus de Kamere Hermannus Marquardus slikarij Pilgrimus de hage Erkenpoldus de hagwalde Starchandus Rvdigerus et frater eius Otto Warmundus de Cirberch Haeinricus stirbenze et alter Haeinricus Hvgo der Gaerwer cum multis aliis Datum apud Laureacum in ecclesia Sancti Laurentij ubi etiam eodem die Triginta septem prelati cum multitudine cleri conuentum sollempniter celebrabant Anno pontificatus nostri sexto Anno ab incarnatione domini Millesimo Centesimo Octogesimo Tertio Pridie Idus Avgvsti Indictione septima Regnante domino nostro Jesv Christo In Eternum feliciter Amen