Charter Document - 04160004
| Charter Number: | 04160004 |
|---|---|
| Cartulary Title: | Gleink, Benediktiner 1088 - 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1151 |
| Date type: | Internal, A.D., Regnal |
| Resource Link(s): |
Monasterium.net |
Charter:
In Nomine sancte et indiuidue trinitatis Chvnradus dei gratia patauiensis Episcopus Officii nostri ratio postulare videtur vt ea que ad quietem et commoditatem Ecclesiarum nostrarum spectant ordinare nos et tractare debeamus Hinc est quod nos inter fratres nostros abbatem Fridericum de Sitensteten et Vlricum abbatem de Glvnich legitime conmutationis concambium fecimvs Etenim cum decimationes de agris Monasterii Glvnicensis ad Monasterium Sitensteten ex antiquo pertinent fratres invicem gravabant et inter dantes et accipientes moleste sepe contentiones oriebantur Nos igitur pro bono pacis et concordie nec non vt quietius et conmodius habeant utraque Monasteria maiorque sit amborum vtilitas mansum unum in Ilbungespach et pratum unum iuxta flumen vrla ad viginti plaustrata feni et duos mansos iuxta flumen Erla de bonis Glvnicensis monasterii ad Seitansteten traiecimus et pro hiis omnem decimationem quam Sitanstetenses habebant ab Ensgrvnde usque in Glvnich ipsi Glunicensi monasterio donauimus per manus vtriusque loci aduocatorum Arnhalmi videlicet exparte Glvnicensium et Egononis ex parte Sitanstetensium prefatis abbatibus et vtriusque loci fratribus pari voto et conmuni voluntate in idipsum consentientibus Vt ergo actio hec huius legitime conmutationis firmiter et inconfulse omnibus etatibus constare ualeat paginam hanc inde conscribi ac sigilli nostri impressione roborari precepimus omnem hominem qui eam violare presumpserit excommunicationis vinculo innodantes Si semel aut bis conmonitus emendare noluerit Testes autem sunt Ex clero Sigehardus abbas Gaerstensis Frideficus abbas de Sitansteten Altmannus de Haedershouen Gundelbertus de Wiztra plebani Ex laicis per aurem attracti Adelramus de vrla et frater eius Egeno Arnhalmus de Volchenstorf Erchenpoldus Pilgrimus Fridericus fratres de Hagwalde ministeriales Ecclesie Babenbergensis Hertwicus Bovm Gundacher et filius eius Gundacher Engelschalcus et fratres eius Sighart Laentfrit de Egelbach et alii multi Acta sunt hec Anno dominice incarnationis MCLJ Regnante Domino Chvnrado Romanorum Rege glorioso et semper augusto anno Regni eius XV Indictione prima Mense Januarij scilicet amen